БИШКЕК, 30-окт. — Sputnik. Экономика министри Артем Новиков өкмөттүн жыйынын кыргызча сүйлөп ачты.
Аткаминер жыйында тогуз ай ичиндеги социалдык-экономикалык өнүгүү боюнча маалымат бериши керек болчу.
"Саламатсыздарбы, урматтуу жыйындын катышуучулары, уруксат берсеңиздер мен докладды расмий тилде окуюн", — деди министр.
Август айынын аягында парламентте конституциялык мыйзамдуулук, мамлекеттик түзүлүш жана Жогорку Кеңештин регламенти комитетинде депутат Исхак Масалиев экономика министрлигине көрсөтүлүп жаткан Артем Новиковдун кыргыз тилин билерине кызыккан.
Новиков кыргызча түшүнөрүн, бирок сүйлөбөй турганын айткан.
Исаков "үйрөтүп алабыз" деп депутатка жооп кайтарган.
