БИШКЕК, 8-авг. — Sputnik. Жогорку сот Борбордук шайлоо комиссиясынын Өмүрбек Текебаевге карата кабыл алган чечимин мыйзамсыз деп тапты. Бул тууралуу саясатчынын жактоочусу Канатбек Азиз билдирди.
7 Баш оона 2017, 19:22
Ушу тапта "Ата Мекен" фракциясынын лидери "коррупция" беренеси боюнча айыпталып, тергөө абагында. Президенттикке талапкерлигин көрсөткөн. Шарт-талапка ылайык,шайлоогоаттангандардын баары кыргыз тилинен экзамен тапшыруусу керек. Бирок БШКнын айрым мүчөлөрүнүн пикиринде комиссия башчысы Текебаевдин тесттен өтүүсүнө бут тосуп жатат.
Жактоочунун айтымында, район аралык соттун буга чейинки чечими менен Борбордук шайлоо комиссиясы талапкердин мамлекеттик тил боюнча экзамен тапшыруусу боюнча маселени чечүүгө милдеттендирилген. БШК Жогорку сотко апелляция менен кайрылган, ал эми Жогорку сот аталган чечимди күчүндө калтырган.
Эске сала кетсек, "Ата Мекен" партиясынын лидери Өмүрбек Текебаевге карата коррупция беренеси боюнча кылмыш иши козголгон.
Учурда анын иши Бишкек шаарындагы Биринчи Май райондук сотунда каралууда.
