БИШКЕК, 22-июн. — Sputnik. Британиядагы референдумдун бир жылдыгына карата Sputnik. Пикир жүргүзгөн сурамжылоодон улам, европалыктардын көбү ЕБден жакынкы арада бир же бир нече өлкө чыгат деген ойдо экени маалым болду.
Франциялыктардын жарымына жакыны (49 пайыз), немистердин жана италиялыктардын жарымынан көбү (52 жана 57 пайыз) жана британиялыктардын үчтөн бир бөлүгү (64 пайыз) жогорудагыдай пикирде.
Саясат таануучу Кубанычбек Таабалдиевдин пикиринде, кайсы бир өлкөнүн Евробиримдикти таштап чыгып кетиши кыйыныраак. Аларды миграция маселеси жарга такап коюшу мүмкүн.
"Миграция — Европа мамлекеттердин баш оорусу болуп турат. Андан сырткары мигранттар катышкан терактылар көбөйүп кетти. Жаман кесепеттерден алыс болуш үчүн бир катар мамлекеттер өздөрүн өздөрү алыс кармашы мүмкүн", — деп эсептейт эксперт.
Таабалдиевдин пикиринде, бул ЕБден чыгуунун башкы себеби болуп калчудай болуп турат.
Ал Евробиримдикке мүчө өлкөлөрдүн бардыгына — Франция, Германия, Италиянын өзөк катары турушу, ал эми миграция маселесине каршы турган Польша, Чехия, Венгрия жана Словакиянын болгону маанилүү деп эсептейт.
2016-жылдын 23-июнунда Улуу Британия Евробиримдиктен чыгуу боюнча референдум өткөргөн. Аны добуш бергендердин 51,9 пайызы колдосо, ЕБде калууну каалагандыгын 48,1 пайызы билдирген. Өлкө Еробиримдиктен 2019-жылдын жазында чыгат.
Sputnik.Пикир долбоору тууралуу маалымат
Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү англис, испан жана кытай тилдеринде жарык көрөт.
