00:53 12 Бештин айы 2017
Түз эфир
Депутат Жыргалбек Саматов

Жаңы эле ант берген Саматовду "Республика — Ата-Журт" фракция курамынан чыгарып салды

© Фото / пресс-служба ЖК КР
Саясат
Кыскача шилтеме алуу
650 0 0

Фракция депутаттын Россиянын жараны эмес экенин далилдөө үчүн аталган өлкөнүн мамлекеттик органдарынын жасалма документтерин пайдаланганын баса белгилейт.

БИШКЕК, 13-янв. — Sputnik. "Республика — Ата-Журт" фракциясы жаңы ант берип, депутаттардын катарын толуктаган Жыргалбек Саматовду фракциядан чыгарып салганын билдирди.

2015-жылдын 4-октябрында өткөн парламенттик шайлоодон бери БШК менен мандат алуу боюнча чыр-чатагына чекит коюлуп, соттун чечими менен мандатка жеткен Саматов бүгүн парламентте ант берген. 

Фракциянын маалыматына ылайык, жаңы депутат Россиянын мамлекеттик кызматтарынын жасалма документтерин пайдаланып, өзүнүн кош жарандуулугун жашырууга аракет кылган. 

"Саматов кош жарандуулугун жашыруу менен жеке кызыкчылыгын көздөп, жалпы кызыкчылыкка карама-каршы келет. Мындай аракеттер "Республика — Ата-Журт" фракциясынын максаты менен шайкеш келбейт", — деп айтылат билдирүүдө.

Фракция Жогорку Кеңештин депутаты шайлоочулардын кызыкчылыгын көздөгөн өкүл катары мыйзамды бекем сактап, коомчулук үчүн үлгү болушу керектигин белгилейт.

Өткөн жылдын 7-декабрында БШК соттун чечимин орундатып, Саматовго мандат берген. Бирок бир жумадан кийин анын кош жарандуулугу боюнча Федералдык миграциялык кызматтын катын тастыктоо зарылдыгына таянуу менен мандатынан ажыраткан. Анда Саматов ант берүүгө үлгүргөн эмес. Бирок, талапкердин доо арызынын негизинде чыгарылган соттун чечими менен Саматов акыры депутат болуп келди.

Тема боюнча

Сот аркылуу депутаттык мандатка жеткен Саматов ант берди
Жоомарт Сапарбаев: депутаттыктан баш тарттым, эми өз иштерим менен алектенем
Белгилер:
фракция, мандат, депутат
Колдонуу эрежелериПикирлер

ЭҢ МААНИЛҮҮ