Россияда мигранттар үчүн жаңы эреже киргизилди! ИИМдин эскертүүсү

© Sputnik / Максим Блинов / Медиабанкка өтүүСитуация у миграционного центра в Подмосковье
Ситуация у миграционного центра в Подмосковье - Sputnik Кыргызстан, 1920, 29.10.2021
Жазылуу
Россиянын аймагына иш издеп келген бардык өлкөнүн жарандары үчүн жаңы эреже иштелип чыкты. Документ 2021-жылдын 29-декабрынан тарта күчүнө кирет.
БИШКЕК, 29-окт. — Sputnik. Кыргызстандын Ички иштер министрлиги Россияга иштеш үчүн бара турган жарандарга медициналык күбөлөндүрүүдөн өтүү эрежеси кире турганын эскертти.
Маалыматка караганда, 2021-жылдын 29-декабрынан тарта 2021-жылдын 1-июлунда кабыл алынган "Россия Федерациясындагы чет элдик жарандардын укуктук жобосу" жана "Россия Федерациясында мамлекеттик дактилоскопиялык каттоодон өтүү" жөнүндөгү федералдык мыйзамдарга киргизилген өзгөртүүлөр күчүнө кирет.
Ага ылайык, Россияга иштегени барган жарандар төмөнкүлөрдү аткарууга милдеттүү:
Россияга киргенден кийин 30 календарлык күндүн ичинде бир жолку дактилоскопиялык мамлекеттик каттоодон өтүп, сүрөткө түшүү;
Как мигрантам оформить медстраховку в России — видеоинструкция - Sputnik Кыргызстан, 1920, 29.10.2021
Россиядагы мигрант медкамсыздандырууну кантип толтурушу керек. Видеонускама
Россиянын аймагына киргенден кийин 30 календарлык күндүн ичинде баңгизатты же психотроптук каражаттарды дарыгердин сунуштамасы жок өз алдынча колдонгон-колдонбогонун, коомчулукка коркунуч жараткан инфекциялык ооруларынын бар-жогун, ВИЧке кабылган-кабылбаганын аныктоочу медициналык кароодон өтүү;
Аталган медициналык документтердин мөөнөтү бүткөндөн кийин 30 күндүн аралыгында жаңыланган документтерди ички иштер сферасындагы аткаруу бийлигинин федералдык органынын аймактык органына же болбосо мамлекеттик жана муниципалдык кызматтардын бирдиктүү порталы аркылуу электрондук формада тапшыруу керек. Мындан сырткары, ведомстволордун алдындагы же ыйгарым укуктуу уюмдарга да өткөрүп берсе болот.
Жогоруда аталган талаптарды аткарбаган учурда Россиянын аймагында убактылуу жүрүү мөөнөтү кыскарат. Мындан тышкары, Россиянын мыйзамдарына ылайык, мындай жарандардын Россияга келбей эле койгону оң экени тууралуу же өлкөгө кирүүгө тыюу салуу чечими кабыл алынышы мүмкүн.
"Дарыгердин уруксаты жок өз алдынча баңгизатын колдонгондор, коомчулукка коркунучтуу оорусу барлар же ВИЧ-инфекциясына кабылгандар аныкталса дагы жогорудагыдай чечимдер кабыл алынат", — деп айтылат маалыматта.
Буга байланыштуу Кыргызстандын Ички иштер министрлиги Россиянын аймагына бара жаткан жарандарды жогорудагы талаптар менен сөзсүз таанышып алууга чакырды.
Жаңылыктар түрмөгү
0