17:51 02 Чын Куран 2020
Түз эфир
  • USD84.8988
  • EUR92.7010
  • RUB1.0895
Инфографика

Кыргызстанда там салуу канча турат? Инфографика

Кыскача шилтеме алуу
950 0 0

Өткөн жылы өлкөдө 8,5 миң жеке турак жай курулгандыгынан кабарыңыз барбы? Бул мурдагы жылга караганда 7 пайызга көп. Кыргызстанда канча сомго там салууга болорун төмөнкү инфографикадан көрөсүз.

Улуттук статистика комитетинин адистери кымбат жана арзан үйлөрдүн Кыргызстандын кайсы аймактарында курулгандыгын тактап чыгышты. Алардын маалыматына караганда, кымбат тамдар былтыр Бишкек шаарында тургузулган. Анын ар бир чарчы метрине 361 доллар кеткен.

Ал эми эң арзаны Баткен менен Ош облусунда салынган. Алардын орточо баасы чарчы метрине 149 долларды түздү. Республика боюнча жер тамдардын орточо баасы 212 доллар экенин эскерте кетсек ашыктык кылбас.

Улуттук статистика комитетинин билдиргенине караганда, өткөн жылы Кыргызстанда 8 420 жеке үй курулуп, мурдагы жылга салыштырмалуу 7 пайызга көбөйгөн.

2019-жылы салынган ар бир тамдын аянты орточо эсеп менен алганда 115,7 чарчы метрди түзгөн. Менчик үйлөргө киргендердин саны Бишкек шаары менен Ош облусунан башка аймактарда көбөйгөн.

Ал эми бүтүп даяр болуп сатылган тамдардын кымбаты Ош шаарында экенин билдик. Анын бир чарчы метри 771 доллар болгон. Экинчи орунга Бишкек чыккан: бир чарчы метр 719 долларды чапчыган.

Эң арзан үйлөр Талас менен Баткенде сатылат. Алардын чарчы метри 99 жана 86 доллар турат.

Буга чейин Бишкек калаасында курулуш компаниялар батирлерди канчадан, кандай шарт менен сатып жаткан материал чыккан.

Тема боюнча

3000 долларга үй тургузса болот. Кыргыз ишкеринин европалык технология боюнча маеги
Белгилер:
курулуш, баа, батир, Бишкек, Кыргызстан

Дагы инфографика

ЭҢ МААНИЛҮҮ