07:24 09 Чын Куран 2020
Түз эфир
  • USD84.8713
  • EUR92.1193
  • RUB1.1204
Инфографика

Жылкы кымбаттады. Үйлөнүү тойдун быйылкы баасы канча?

Кыскача шилтеме алуу
246210

Күз келип, "күндө майрам күндө той" болуп турган кез. Көптөн бери көрбөгөн тууган-досторго кезигип, сөз түгөнбөй, айтор, жыргал.

Бирок ар бир майрам чыгымсыз болбойт. Мындан улам Sputnik Кыргызстан агенттиги тойлордун арасынан эң популярдуусу болгон үлпөт тойдун быйылкы баасын эсептеп көрдү.

Sputnik иштеп чыккан калькулятор аркылуу ресторандагы банкетке жана меймандар үчүн оюн-тамаша программасына канча акча кетерин өз алдыңызча эсептеп көрсөңүз болот.

Кыргыз бүлөсүндө үйлөнүү тою кыз узатуунун уландысы болуп эсептелет. Той күйөөнүн үйүндө да, кафе-ресторанда да өтөт. Үйдө анын тууган-туушкандары, жакындары, достору чогулуп, эки жашка бата берилет.

Азыркы кыргыз тою салттык үйлөнүү тоюнан анча айырмаланбайт. Башкы өзгөрүүлөр заманбап мүмкүнчүлүктөргө байланышкан. Мисалы, эгер той аземин мурда ак өргөдө гана өткөрүп келишсе, эми меймандарды ресторанга чакырып коноктоо адат болуп калган.

Жогоруда 200 адам чакырылган салтанатты уюштурууга сарпталчу негизги чыгымдарды тизмектеп, алардын орточо эсебин чыгардык. Ага ылайык, Кыргызстанда үйлөнүү тоюна орто эсеп менен 689 500 кетери белгилүү болду.

Баса, быйыл жылкы бир аз кымбаттады. Үч элиден жогору чыгып, 200-250дөй адамды кеңири тойгузчу жылкынын баасы 70 миң сомдон жогору.

Дагы бир кошумчалай кетчү нерсе, жаштар зуулдата шаар аралаган кортеж унааларын мурдагыдай кызыл-тазыл лента, шарлар менен коозмодой модадан калып бара жатканын байкоого болот.

Тема боюнча

Тойдо миң долларга чейин гонорар алган кыргыз ырчылары кимдер? Тизме
Белгилер:
үлпөт, жылкы, баалар, ырчы, Кыргызстан

Дагы инфографика

ЭҢ МААНИЛҮҮ