19:06 01 Тогуздун айы 2020
Түз эфир
  • USD79.4881
  • EUR93.2356
  • RUB1.0286
Окуялар
Кыскача шилтеме алуу
3077 0 0

Каза болгон келин 27 жашта болчу, биринчи жолдошу менен үч балалуу болгондон кийин ажырашкан. Балдарынын улуусу мектепте окуса, кичүүсү төрт жашта.

БИШКЕК, 19-июн. — Sputnik. Борбор калаада чогуу жашаган кишиси барымтага алып, моюнга бычак жеп каза болгон келиндин артында үч баласы калды. Бул тууралуу Sputnik Кыргызстан агенттигине маркумдун жакындары билдирди.

Алардын айтымында, каза болгон келин 27 жашта эле. Биринчи жолдошу менен үч балалуу болгондон кийин эки башка жолго түшүшкөн. Балдарынын улуусу мектепте окуса, кичүүсү быйыл төрт жашта.

"Балдары атасы менен катташып турчу. Ал эми шектүү менен мурда чогуу жашаган, бирок андан кол үзүп жашабай калганына эки-үч айга чукулдап калган. "Аялдын чырагы кырк" дегендей, башка бала менен тил табышып, сүйлөшүп жүрчү экен. Жакында ага турмушка чыкмак. Анысын шектүү билип калып "мени же жаңы жигитиңди танда" деп кызганып, коркутуп жүргөнүн уктук. Карантин бүткөндө "шлагбаум” тараптагы кафелердин бирине жумушка кирдим, бир аз акча таап алып балдарды жаныма алам" деп жаткан", — деди маркумдун жакындарынын бири.

Көз жумган келин Жайыл районунун Суусамыр өрөөнүнөн болчу.

Эске сала кетсек, 17-июнда 20:00дөр чамасында Ден Сяопин көчөсүндөгү ашкананын ичинде 36 жаштагы эркек киши чогуу жашаган аялын барымтага алып, бычак менен коркуткан. Ал жакка Кайгуул милициянын кызматкерлери, ыкчам-тергөө тобу менен шаардык №5 милиция бөлүмүнүн жетекчиси, милициянын подполковниги Эркин Жаанбаев барган. Ал эркек киши менен сүйлөшүүгө аракет кылып, майнап чыкпаганда аны спорттук ыкма менен куралсыздандырган. Кармалган киши Биринчи май ИИБге жеткирилген. Аял кишини Тез жардам кызматы алып кеткени айтылып, бирок эмне жаракат алганы маалымдалган эмес.

Кийин жабырлануучу түшкөн Травматология жана ортопедия илим-изилдөө борборунун жетекчиси Сабырбек Жумабеков аял моюнга, далыга жана башка жерлерине бир нече ирет бычак жегенин билдирген. Ошондой эле абалы өтө оор болгондуктан комага түшүп, жасалма дем алдыруучу аппаратка туташтырылганы айтылган. Тилекке каршы, 18-июнда кечки саат 21.10до келин жандандыруу бөлүмүндө каза болгон.

Бишкек ШИИБ маалымат кызматы бүгүн шектүүнүн соттук санкциясы болорун билдирди. Азыр ал убактылуу кармоочу жайда. Келин каза болгонго чейин шектүүгө Кылмыш кодексинин "Адам өлтүрүү үчүн кол салуу" беренеси боюнча иш козголгон.

Ал эми Эмгек жана социалдык өнүктүрүү министрлигинен балдары тууралуу сураганыбызда, тактап жатканын айтышты.

Тема боюнча

Аялынын мойнуна дөңгөлөк илип сабаган кишинин иши сотко өттү
Күйөөсү 30 жыл урган аял соттун сөзүн угуп нес болду. Кризистик борборлордун иши
Жорж Клунинин фонду Оштогу соттолгон аялдын укугу үчүн күрөшүүдө
Белгилер:
кылмыш, өлүм, келин, барымта, Бишкек

ЭҢ МААНИЛҮҮ