Нарында "Лимонти" аты менен таанымал кримтөбөл өлтүрүлдү

© Sputnik / Табылды Кадырбеков / Медиабанкка өтүүКурчоо. Архив
Курчоо. Архив - Sputnik Кыргызстан
Жазылуу
Кылмыш дүйнөсүндө аты чыккан Сулаймановдун Нарын шаарынын чок ортосунда бычакталып өлтүрүлгөнү айтылды.

БИШКЕК, 28-мар. — Sputnik. Нарын шаарынын борборунда "Лимонти" каймана аты менен таанымал кримтөбөл Алмаз Сулайманов бычакталып өлтүрүлдү. Бул тууралуу укук коргоо органдарындагы ишенимдүү булак билдирди.

© © фото очевидца, отправленное по WhatsApp-каналуНарын шаарынын борборунда "Лимонти" каймана аты менен таанымал кримтөбөл Алмаз Сулайманов бычакталып өлтүрүлдү
Нарында Лимонти аты менен таанымал кримтөбөл өлтүрүлдү - Sputnik Кыргызстан
Нарын шаарынын борборунда "Лимонти" каймана аты менен таанымал кримтөбөл Алмаз Сулайманов бычакталып өлтүрүлдү

Анын айтымында, окуя бүгүн, 28-мартта, саат 13.00дөр чамасында болгон. Бардыгы жол кырсыгынан келип чыккан.

"Сулаймановдын унаасын кылмышка шектүү бала алдынан келип сүзгөн. Ага ачууланып, сөгүп-саккан Лимонти бычак алып чыгып, тигини колго сайган. Ал бала бычагын жулуп алып, өзүн бир нече ирет сайып жиберген. Натыйжада Сулайманов ооруканага жетпей эле каза тапкан", — деп айтылат маалыматта.

Ошондой эле ишенимдүү булак шектүү милицияга маркумдун сөөгүн өзү алып барып, колго түшкөнүн кошумчалады.

Окуя боюнча ИИМдин маалымат кызматы кийинчерээк комментарий берүүнү убадалады.

Жаңылыктар түрмөгү
0