БИШКЕК, 31-авг. — Sputnik. Премьер-министр Мухаммедкалый Абылгазиев Ысык-Көлдү сүзүп өтүү маалында жоголгон Орус-кыргыз өнүктүрүү фондусунун башчысы Эркин Асрандиевди издөө иштерин активдүү жүргүзүүнү буйруду. Бул тууралуу өкмөттүн маалымат кызматынын жетекчиси Чыңгыз Эсенгул уулу билдирди.
Туугандары ал Чырпыкты айылынан Кара-Талааны көздөй сүзүп баратып Тору-Айгыр айылына келгенде жоголуп кеткенин айтууда.
"Өзгөчө кырдаалдар министри Нурболот Мирзахмедовго жана башка тийиштүү ведомстволорго издөөгө бардык күч-аракетти жумшоону тапшырды. Бул окуя өкмөт башчынын жеке көзөмөлүндө", — деди Эсенгул уулу.
Асрандиевдин туугандары саат 18:00дөр чамасында көлдө эки метрге жеткен толкун болгондон кийин аны таппай калышканын айткан. Анын жанында коштоп жүргөн кайык бар болчу. Ал эми Асрандиев буёкту байланып сүзүп бараткан.
Биздин Telegram-каналга жазылыңыз.
