12:04 24 Теке 2019
Түз эфир
  • USD69.6659
  • EUR77.9039
  • RUB1.1035
Камактагы адам. Архив

Токмокто 80 жаштагы карыяны сабайбыз деп коркутуп тоноп кеткендер кармалды

© Sputnik / Антон Денисов
Окуялар
Кыскача шилтеме алуу
144 0 0

Шектүүлөр түн жарымда карыянын үйүнө кирип келип, ири суммадагы акчасын алып кетишкен.

БИШКЕК, 14-май — Sputnik. Токмок шаарынын криминалдык милициясынын кызматкерлери 80 жаштагы тургундун үйүнө кирип, карактап кетти делгендерди кармады. Бул тууралуу Чүй облустук милициясынан билдиришти.

Ага ылайык, 10-майда Токмок шаардык милициясына 80 жаштагы жергиликтүү жашоочу кайрылган. Арызда түнкү саат 2:20лар чамасында бейтааныш кишилер үйүнө кирип келип, ур-тепкиге алабыз деп коркутуп, 12 000 сомун алып кеткени айтылат.

Аталган факты Кылмыш жаза кодексинин 202-беренеси ("Каракчылык") боюнча Кылмыш жана жоруктардын бирдиктүү реестрине катталган.

Милициянын ыкчам аракеттеринин жыйынтыгында шектүү катары буга чейин бир нече ирет соттолгон 28 жана 30 жаштагы тургундар кармалды. Алар Бишкек шаарындагы №1 убактылуу тергөө абагына киргизилди.

Тема боюнча

Сатуучуну бычак менен коркутуп... Бишкектеги дүкөндөн тартылган видео
Белгилер:
карактоо, милиция, Токмок

ЭҢ МААНИЛҮҮ