01:38 20 Бугу 2019
Түз эфир
  • USD69.8500
  • EUR78.0539
  • RUB1.0807
Экс-депутат Садыр Жапаровдун архивдик сүрөтү

Сот Садыр Жапаровдун жаза мөөнөтүн кыскартты

© Sputnik / Расул Усеналиев
Окуялар
Кыскача шилтеме алуу
Садыр Жапаровдун сот иши (38)
108410

Экс-депутаттын жактоочусу мөөнөттү 7,5 жылга чейин кыскартууну өтүнгөн.

БИШКЕК, 30-апр. — Sputnik. Жогорку соттун соттук коллегиясы экс-депутат Садыр Жапаровдун адвокаттарынын арызы боюнча кылмыш ишин кайра карап чыкты.

Белгилей кетсек, Садыр Жапаров 2013-жылы октябрда болгон митинг учурунда Эмилбек Каптагаевди барымтага алууну уюштурууга тиешеси бар деп айыпталып, 11 жыл 6 айга кесилген. Учурда ал Молдовановка айылындагы биринчи колонияда жазасын өтөп жатат.

Жапаровдун адвокаттары анын жаза мөөнөтүн кыскартуу өтүнүчү менен кайрылып, отурум 30-апрелге дайындалган.

Экс-депутаттын жактоочулары быйыл 1-январда күчүнө кирген Гуманизация жөнүндөгү мыйзамга таянуу менен мөөнөттү 7,5 жылга кыскартууну сураган. Өз кезегинде мамлекеттик айыптоочу жаза мөөнөтүн кыскартууга болорун, бирок аны 10 жыл деп белгилөө туура экенин айткан.

Соттук коллегия кеңешкенден кийин айыптоочунун сунушун канааттандырып, алгач өкүм кылынган 11 жыл алты айдын ордуна 10 жыл деп белгилеген чечим чыгарды.

Тема:
Садыр Жапаровдун сот иши (38)

Тема боюнча

Жапаров менен Текебаевдин жактоочулары кантип митинг өткөрдү. Видео
Садыр Жапаровдун иши 30-апрелде каралмай болду
Белгилер:
айып, адвокат, өкүм, коллегия, сот, Садыр Жапаров

ЭҢ МААНИЛҮҮ