Бишкектен Иранга баратып кулаган учак эмне ташып баратканы айтылды. Сүрөт

© Sputnik / Максим Блинов / Медиабанкка өтүүУчак. Архив
Учак. Архив - Sputnik Кыргызстан
Жазылуу
Аба кемеси Бишкектен 14-январь күнү саат 7.16да учуп чыккан.

БИШКЕК, 14-янв. — Sputnik. Бишкектен учуп чыгып Тегеранга жакын жерде кулап түшкөн учак эт ташып келе жатканын Fars маалымат агенттиги жазды.

​Ага ылайык, кырсыктаган учак Ирандын аба күчтөрүнө таандык болгон. Өлкөнүн жарандык авиациясынын өкүлүнүн билдиришинче, кырсыктын чоо-жайын аскердик чалгындоо комитети иликтейт.

Крушение самолета Boeing-747 в Дача-СУ - Sputnik Кыргызстан
Дача айылына кулаган учактагы жүктүн ээси боюнча маселе кайра козголду
Ишенимдүү булактын маалымдашынча, пилот жерге конуп жатканда учакты башкара албай, ал учуп-конуу тилкесинен чыгып, киши жашаган аймакка кирип кеткен.

Тегеранга жакын жерде кулап түшкөн учак ирандык авиакомпанияга таандык болгонун жана Бишкектен чартердик каттам аткарганын "Манас" эл аралык аэропортунун маалымат катчысы Алия Курбанова Sputnik Кыргызстан агенттигине тастыктаган. Учак Бишкектен 14-январь күнү саат 7.16да учуп чыккан.

Жергиликтүү ЖМКлар кулап түшкөн самолеттун учкучтары аман-эсен экенин жазууда. Алдын ала маалымат боюнча кырсыктан 8 киши каза тапты.

Жаңылыктар түрмөгү
0