08:46 21 Жетинин айы 2018
Түз эфир
  • USD69.8310
  • EUR79.8168
  • RUB1.0647
Өрт. Архивдик сүрөт

Күйөөсүн балдарынын көзүнчө тирүүлөй өрттөгөн. Октябрдагы чуулуу окуялар

© Sputnik / Михаил Фомичев
Окуялар
Кыскача шилтеме алуу
3755 0 0

Жасаган ишине нааразы болгон 62 жаштагы кайнене өзүнүн келинин швабра менен сабаган.

Узап кеткен ай өлкөдөгү соттор үчүн оор болду. Каралган иштердин арасында күйөөсүн тирүүлөй өрттөп жиберген аялдын окуясы да бар. Sputnik Кыргызстан агенттиги октябрь айындагы чуулгандуу соттук чечимдерди сунуштайт.

Зөөкүр ата

Мас болгон киши келинчегинин биринчи никедеги кызын алдап, жыныстык катнашка барууга мажбурлаган. Бул ыплас аракеттерин үч жылдан бери эч кимге билгизбей жасап келген. Кийин аялы байкап калып укук коргоо органдарына кайрылган. Сот эркек кишини 20 жылга эркинен ажыратты.

Өз уулун өлтүрмөк болуп…

Жалгыз бой келин уулун өз колу менен өлтүрүүгө аракет кылган. Алгач ал ымыркайды катуу сабап койгондуктан ооруканага түшкөн. Кийин балдар бакчасында иштеп жүргөн кезинде ымыркайын жаздык менен тумчуктуруп өлтүрүүгө аракет кылган. Бирок аны кесиптештери байкап калып, чүрпөнү аман алып калышкан. Келин мындай кадамга баруусуна турмуштук шарты себеп болгонун айтып берген. Жакындары каралашпай, күйөөсү менен ажырашып кеткенин, жокчулуктан кыйналганын айтып ыйлактаган. Сот жаш энени 12,5 жылга темир тор артында калтырды.

Жарандык никедеги күйөөсүн бычактап…

Ажырашып, кичинекей эки баласы менен калган келин жарандык никеде жашап жүргөн эркек менен көчөдө уруша кетип, аны бычак менен сайып, уксус чачып жибергенге үлгүргөн. Шектүү сотко берген көрсөтмөсүндө жабырлануучу коркуткандыктан жанына бычак салып алганын айтып, жасаганын жарым-жартылай мойнуна алган. Эми кичүү баласы 14 жашка чыккандан кийин беш жылдык өмүрүн түрмөдө өткөрмөй болду.

Кайнене менен келиндин чыры

Келининин кылган оокатына ичи чыкпаган 62 жаштагы кайнене аны швабра менен сабап койгон. Окуя болгондон кийин жабырлануучу ооруканага кайрылса, дарыгерлер анын баш мээси чайкалганын айтып, денесиндеги көк-ала тактарды байкашкан. Сот отурумунда айыпталуучу "келинден кечирим сурабайм, кааласаңар түрмөгө отургузуп койгула" деген. Келинин токмоктоп салган аял 5000 сом айып төлөмөр болду.

Өз энесин бычактаган эргул

Достору менен эс алып жүрүп үйгө кеч келген 28 жаштагы уулун босогодон апасы тосуп алып, анын арак ичип алганын көргөндөн кийин уруша баштайт. Ошол маалда уулу бычакты ала калып, энесин төшкө жана курсакка бир нече жолу сайып жиберген. Канжалаган аялды дарыгерлер аман алып калган. Сотто эне "мунун баарына мен күнөөлүүмүн, баламды кое бергиле" деп суранган. Жабырлануучунун сөзүн эске алып, сот айыпталуучуну шарттуу эркинен ажыратты.

Күйөөсүн тирүүлөй өрттөп

Каргаша болгон күнү жубайлар арак ичкен. Бир маалда мас болгон үй ээси тамак жасап жаткан аялын ур-тепкиге алып, ысык тамакты кичинекей баласынын бутуна төгүп жиберген. Ачууга алдырган келин бөтөлкөдөгү бензинди жолдошуна чачып туруп өрт койгон. Мунун баары балдарынын көз алдында болгон. Аял күйүп жаткан күйөөсүнө кайра муздак сууну жаба төгүп, кийимин чечип керебетке жаткырып, Тез жардам кызматын чакырган. Бирок күйөөсү мас абалында ачкычты катып салганынан улам дарыгерлер үйгө кире алган эмес. Эркек түнү бою кыйналып өзүн-өзү өлтүрүүгө аракет жасаган. Ал жубайын айыптап "Эмнеге мындай кылдың? Мен сага мынчалык жамандыкты эч качан жасабайт элем", деп ыйлаган. Үйдүн ачкычы анын чөнтөгүнөн табылган. Эртең менен жабырлануучунун энеси келип Тез жардамды кайра чакырган. Бирок эртеси күнү киши каза болуп калган. 

Соттолгон кайнене…

Ызы-чуудан, таякташуудан башы чыкпаган түгөйлөр ажырашууну чечет, бирок ортодогу үч жаштагы кыз ким менен калат деген маселе жаралат. Сот иштери жүрүп жаткан маалда наристе атасынын колунда болгон. Күндөрдүн биринде кыздын апасы менен таенеси күч колдонуп кызды алып кетүү үчүн атайын топ жалдаган. Алар үй-бүлө башчысын сабап, үч жаштагы кызды алып кеткен, бирок баланын атасы кайненесин кармап калган. Ал эми келин кызы менен Россияга чыгып кетүүгө үлгүргөн. Кайнене беш жылга соттолду.

Тема боюнча

Ысык-Көлдө арыктан киши колдуу болгон 32 жаштагы кишинин сөөгү табылды
Бишкекте 17 жаштагы студент кызды өз төшөгүндө өлтүрдү деп туугандары кармалды
Белгилер:
соттук чечим, сот, кылмыш, Кыргызстан
Колдонуу эрежелериПикирлер

ЭҢ МААНИЛҮҮ