БИШКЕК, 21-окт. — Sputnik. Жумгал районунун Кой-Ой айылында Mercedes-Benz унаасы көпүрөдөн сууга түшүп кетип, бир адам көз жумду. Бул тууралуу Нарын облустук милициясынан билдиришти.
Маалыматка караганда, кырсык 20-октябрь күнү таңкы саат алтылар чамасында болгон. 24 жаштагы айдоочу рулду башкара албай калып, көпүрөдөн чыгып кеткен.
Нарын облустук милициясынын маалымат кызматынан билдиришкендей, материалдар чогултуруп, тиешелүү экспертизалар жасалууда.
