12:21 23 Тогуздун айы 2019
Түз эфир
  • USD69.8114
  • EUR77.7804
  • RUB1.0971
Жер көчкү.

Сузак: жер көчкү Көк-Арт дарыясын кайрадан тосуп калды. Сүрөт

© Фото / пресс-служба МЧС КР
Окуялар
Кыскача шилтеме алуу
280 0 0

Караңгыдан улам түндө жер көчкүнүн көлөмүн аныктоого мүмкүн болгон жок.

БИШКЕК, 3-май— Sputnik. Сузакта Көк-Арт дарыясынын жээгине түшкөн көчкү түндө жылып келип, сууну кайрадан бууп калды. Бул туурасында ӨКМдин маалымат кызматынын жетекчиси Абдишарип Бекилов кабарлады.

Бир нече күн мурда, тагыраагы 29-апрелде, түшкөн жер көчкү алгач дарыяны тосуп калып, андан соң суу баткакты жиреп, агып кетип жаткан.

"2-май күнү саат 20:15 чамасында жер көчкү кайрадан активдешип, сүрүлүп түшүп, суунун нугун дагы бөгөп калган. Жеринде ӨКМдин Жалал-Абад облусу боюнча башкармалыгынын ыкчам тобу жана Жарандык коргонуу комиссиясы абалды көзөмөлдөп турууда. Түндө караңгы болгондугуна байланыштуу жер көчкүнүн көлөмүн аныктоого кыйынчылык жаралды", — деп билдирген Бекилов.

Бирок бир нече сааттан кийин суу баткакты кайрадан жиреп өтүп, акырындык менен чыгып жатканын кошумча билдиришти. Алардын маалыматында, агып кирүүсү секундасына 30 метр куб болсо, агып чыгуу секундасына 4 метр кубду түзүп жатат.

Эске салсак, 29-апрелде болжол менен эртең мененки саат 9.30да Сузак районунун Сары-Булак айылындагы Көк-Арт дарыясынын сол жээгинен 1,5 миллион метр куб жер көчкү түшүп, анын 48 000 метр кубу аталган дарыянын суусун жаап калган. Аймакка чукул кырдаал режими киргизилип, ӨКМдин тиешелүү техникасы менен кызматтары тартылган.

Тема боюнча

Жалал-Абад менен Сузакка өзгөчө кырдаал режимин киргизүү каралууда
Суу көбөйүп, Сузак менен Жалал-Абад шаарына өзгөчө кырдаал режими киргизилди
Белгилер:
Жер көчкү, ӨКМ, Сузак району, Жалал-Абад облусу

ЭҢ МААНИЛҮҮ