04:58 08 Чын Куран 2020
Түз эфир
  • USD84.8713
  • EUR91.6016
  • RUB1.1108
Окуялар
Кыскача шилтеме алуу
Темир Жумакадыров каза болгон жол кырсыгы (33)
412 0 0

Айыпкер, мындан тышкары, мамлекетке 2,1 миллион сом айып акча төлөшү керек

БИШКЕК, 2-фев. — Sputnik. Чүй облусунун Москва райондук соту Темир Жумакадыров менен дагы эки кишинин өмүрүн алган кырсыкка себепкер айдоочу Таалайбек уулу Автандилди 10 жылга эркинен ажыратып, мамлекетке 2,1 миллион сом айып төлөтүү чечимин чыгарды. Өкүмгө ылайык, айыпкер жазасын турак колониясында өтөйт. Бул тууралуу сот залынан Sputnik Кыргызстан агенттигинин кабарчысы билдирди.

Президент Алмазбек Атамбаевдин Темир Жумакадыровдун жаназасында
© Пресс-служба президента КР / Султан Досалиев
Эскерте кетсек, аталган ишти кароо 25-январда башталган. Андан кийинки процесс 30-январда өтүп, анда мамлекеттик айыптоочу күнөөкөргө 11 жыл берүү менен 2,1 миллион сом айып төлөтүүнү сунуштаган. Ал эми жактоочу соттолуп жаткан жарандын толугу менен күнөөсүн мойнуна алганын жүйө келтирип, камакка албоону суранган.

Эске салсак, Москва районуна караштуу Садовое айылынын аймагында "КамАЗ" менен Land Cruiser кагышып, вице-премьер Темир Жумакадыров, жардамчысы Нурлан Жамгырчиев жана айдоочусу Нурбек Муканов каза болгон.

Милиция кийинчерээк жол кырсыгы кандайча болгондугун алгачкы маалыматтарында айтып берген. Жүк ташуучу автоунаанын алдына машина токтоп, андан качам же озуп өтөм деген КамАЗдын айдоочусу жолтандабас менен кагышып, аны 50 метрдей сүйрөп барып, жол жээгинде турган зым карагайды сүзүп, жолдон чыгып кеткен.

Тема:
Темир Жумакадыров каза болгон жол кырсыгы (33)

Тема боюнча

Темир Жумакадыровдун соту: прокурор айдоочуга 11 жыл берүүнү сурап жатат
Айыпталуучу сотто Темир Жумакадыров көз жумган кырсыктын чоо-жайын айтып берди
Темир Жумакадыровдун келинчеги коомчулукка кайрылды
Белгилер:
түрмө, өкүм, сот, Темир Жумакадыров, Чүй облусу

ЭҢ МААНИЛҮҮ