БИШКЕК, 22-дек. — Sputnik. Бишкектен анча алыс эмес жайгашкан Беш-Күңгөй айылында Volkswagen Passat үлгүсүндөгү унаа жолдон чыгып, чуңкурга түшүп кеткен. Анын кесепетинен бир нече адам жабыркады.
Кырсыктын видеосун "Новостной Портал Life" аттуу колдонуучу YouTube каналына жарыялады.
Анда көрүнүп тургандай, топтошкон кишилер жабыркаган адамдарды унаадан чыгарып жатышат. Айрым жабырлануучулар эсин жоготуп койсо, дагы бирөөлөрү оорудан онтоп жатканын көрүүгө болот.
Алдын ала маалыматтарга караганда, айдоочу унааны башкара албай калган.
Милициядан кырсыкка кабылган унаа Бишкек шаарына келе жатканын айтышты.
