16:07 18 Бирдин айы 2020
Түз эфир
  • USD69.8500
  • EUR75.7558
  • RUB1.1033
Окуялар
Кыскача шилтеме алуу
Аида Салянованын иниси Улан Саляновдун өлүмү (22)
316602

42 жаштагы Улан Саляновду Бишкекте атып кетишти

БИШКЕК, 6-ноя. — Sputnik. 6-ноябрга караган түнү болжол менен саат 2.30дарда мурунку башкы прокурор Аида Салянованын иниси атылганын анын экс-адвокаты Улан Жумаков өзүнүн Facebook баракчасына жазды.

“Беткап кийген белгисиз адамдар тарабынан Бишкектин Достоевский көчөсүндө Жогорку Кеңештин депутаты Аида Салянованын инисине куралчан кол салуу болду. Алган жараатынан 1975-жылкы Улан Салянов каза тапты. Милиция кылмышкерлерди издөөнү баштады”, — деп жазды Жумаков.

Аталган маалыматты укук коргоо органдары тастыктады. Кылмыштын чоо-жайы такталып жатат. 

Эскерте кетсек, өткөн жылдын 26-декабрында Башкы прокуратура Аида Саляновага карата кылмыш ишин козгогон. Ага юстиция министрлигин жетектеп турганда кызмат абалынан кыянаттык менен пайдаланган (304-берене) деген айып тагылган. Салянова кылмышы үчүн издөөгө алынган Алексей Елиссевдин адвокаттык лицензиясын калыбына келтирип бергени айтылат. Быйылкы жылдын 10-октябрында Бишкектин ленин райондук соту мүлкүн конфискациялоо менен беш жылга эркинен ажыраткан. Салянова эң кичүү баласы 14 жашка чыккандан кийин гана жазасын өтөйт. Ушу тапта 2015-жылы төрөлгөн кызы эки жашта.

Улан Саляновдун өлтүрүлүшү боюнча кенен маалыматты Sputnik Кыргызстан агенттигинин тексттик трансляциясынан окусаңыз болот>>

 

Тема:
Аида Салянованын иниси Улан Саляновдун өлүмү (22)

Тема боюнча

Нарында кесиптешин атып алган милиция кызматкерине кылмыш иши козголду
Белгилер:
ок атуу, Улан Салянов, Аида Салянова

ЭҢ МААНИЛҮҮ