Өмүрбек Бабановго кылмыш иши козголду

© Sputnik / Табылды КадырбековЛидер парламентской фракции "Республика — Ата-Журт" Омурбек Бабанов
Лидер парламентской фракции Республика — Ата-Журт Омурбек Бабанов - Sputnik Кыргызстан
Жазылуу
Депутатка карата бир нече беренелер боюнча кылмыш иши козголду

БИШКЕК, 4-ноя. — Sputnik. Башкы прокуратура Жогорку Кеңештин депутаты Өмүрбек Бабановго карата кылмыш ишин козгоду. Бул тууралуу аталган ведомствонун сайтына жарыяланды.

Билдирмеге караганда, Кылмыш жаза кодексинин конституциялык түзүмдү күч менен басып алууга чакырык жасоо жана улуттар аралык, расалык же диний кастыкты козутуу беренелери боюнча кылмыш иши козголду.

"Тергөөгө чейинки текшерүү иштеринин натыйжасында Өмүрбек Бабанов президенттик кызматка талапкер катары шайлоо алдындагы үгүт иштеринин жүрүшүндө, 2017-жылдын 28-сентябрында Ош шаарынын Амир Темир (Он-Адыр) кичи районунун жашоочулары, негизинен өзбек тектүүлөр менен жолугушкан учурда алардын добушун алуу максатында өзбектердин укугу тебеленип жатканын, мамлекеттик органдар тараптан басымга кабылганын, улуттук теңсиздик бардыгын айтып, буга каршы жигердүү күрөшүүгө чакырганы аныкталды", — деп айтылат маалыматта. 

Депутат 6-го созыва ЖК Омурбек Бабанов - Sputnik Кыргызстан
Бабанов кайда эмне кылып жүргөнүн Казакбаев айтып берди
Комплекстүү филологиялык-саясий экспертиза Өмүрбек Бабановдун ачык билдирүүлөрү улут аралык кастыкты козутуу, элди провокацияга чакыруу, азыркы бийликке баш ийбөө жана кулатууга багытталганын аныктаган. Ал эми мамлекеттик соттук-эксперттик кызматы депутаттын айткандары тууралуу интернетте жарыяланган маалыматтар монтаждалбаганын тастыктаган. Учурда Кылмыш иши УКМКга өткөрүлүп берилди.

Жаңылыктар түрмөгү
0