БИШКЕК, 29 – май — Sputnik. Баткен облусундагы жол кырсыктан үч киши өмүрү менен коштошту. Алдын ала маалыматтарда жүрүп бара жаткан автоунаанын дөңгөлөгү жарылгандан кийин, бир нече ирет ала салып кеткен. Бул туурасында ИИМдин Кайгуул милициясынын башкармалыгынан кабарлашты.
Кырсык бүгүн болжол менен саат күндүзгө төрттөрдө Баткен — Ош жолунун 45-чакырымында болгон.
Алдын ала алынган маалыматтарда, кырсыктын кесепетинен 3 киши мерт кеткен, алардын бири 13 жаштагы өспүрүм деген маалымат айтылды. Каза болгон дагы эки адамдын бири 36 жаштагы эркек, дагы бири 56 жаштагы аял болуп чыкты.
ИИМдин кабаралашынча, бардыгы болуп алты адам жаракат алып, аймактык ооруканага жеткирилген. Айдоочу ооруканага жактырылган эмес.
Милициянын айтымында, автоунаа катуу ылдамдыкта бара жаткан. Кырсыктын башка жагдайларын иликтөө уланууда.
