УКМК: экс-депутат Райкан Төлөгөнов камакка алынды

© Фото / пресс-служба ЖК КРЭкс-депутат Жогорку Кенеша от фракции"Ата Мекен" Райкан Тологонов
Экс-депутат Жогорку Кенеша от фракцииАта Мекен Райкан Тологонов - Sputnik Кыргызстан
Жазылуу
УКМКнын билдирүүсү боюнча 2010-жылдын апрель айында Бакиевдердин үй-бүлөсүнө таандык кеңселерди, турак жайларды карактоо аракеттери Райкан Төлөгөновдун түздөн-түз жетекчилиги менен жасалган.

БИШКЕК, 28-мар. — Sputnik. Мародерчулук фактысы боюнча "Ата Мекен" фракциясынын экс-депутаты Райкан Төлөгөнов кармалганын Улуттук коопсуздук боюнча мамелкеттик комитет билдирди.

СИЗО-4 УФСИН России по городу Москве - Sputnik Кыргызстан
7-апрель боюнча соттолгон Нурлан Турсункулов менен Каныбек Жороев абактан чыкты
УКМКнын тергөө башкармалыгы тарабынан Кылмыш жаза кодексинин 167 (Каракчылык), 174 (Каракчылык), 172 (Өзүм билемдик менен турак жайларды, имараттарды ээлөө), 208 (Баалуу металлдарды мыйзамсыз жүгүртүү), 245 (Курал-жарак, ок-дары, жардыруучу түзүлүштөрдү уурдоо же талап кылуу) беренелеринин негизинде козголгон кылмыш иши иликтенип келген.

Иш 2010-жылдагы апрель окуяларында бирөөгө таандык мүлктү ээлөө фактысы боюнча козголгон.

"Иликтөө иштеринин натыйжасында 2010-жылдын 7-10 апрель күндөрү Бакиевдердин үй-бүлөсүнө таандык кеңселерди, турак жайларды карактоо аракеттери Жогорку Кеңештин "Ата Мекен" партиясынан экс-депутаты Райкан Төлөгөновдун түздөн-түз жетекчилиги менен жасалганы аныкталды", — деп айтылат билдирүүдө.

Мурунку акыйкатчы Турсунбек Акун экс-депутат Садыр Жапаровду колдоо иретинде уюштурулган митинг учурунда - Sputnik Кыргызстан
Турсунбек Акун кара жумушка кесилди
Тергөө аталган кылмышка тиешеси бар жарандардын көрсөтмөсү менен материалдар табылганын билдирди.

Шаршемби күнү, 28-мартта, Төлөгөновго "Кылмышка катышуу", "каракчылыкты уюштуруу", "Мүлктү атайылап жок кылуу жана талкалоо", "ок-дарыны мыйзамсыз сактоо, алуу, сатуу" беренелери боюнча айып тагылды. 

Биринчи Май райондук сотунун чечими менен экс-депутат УКМКнын тергөө абагына иликтөө иштеринин соңуна чейин камакка алынды. Тергөө иштери уланып жатат.

Жаңылыктар түрмөгү
0