Текебаевдин Оштогу тарапташтары дагы акцияга чыгышты

© Фото / Зульфия ТургуноваМитинг у здания ГКНБ в Оше
Митинг у здания ГКНБ в Оше - Sputnik Кыргызстан
Жазылуу
Алдын ала маалыматтар боюнча чогулгандардын саны 50гө жетти.

БИШКЕК, 26-фев. — Sputnik. Ош шаарында УКМКнын имаратынын алдына Өмүрбек Текебаевдин тарапташтары чогулду. Бул тууралуу аймактык кабарчы жеринен билдирди. 

© Фото / Зульфия ТургуноваМитинг у здания ГКНБ в Оше
Митинг у здания ГКНБ в Оше - Sputnik Кыргызстан
Митинг у здания ГКНБ в Оше

"Ата Мекен" партиясынын башчысы Өмүрбек Текебаев жекшемби күнү түнкү саат үчтөр чамасында Венадагы иш сапарынан кайтып келер замат "Манас" аэропортунан кармалган. Эл өкүлүнүн келишин күтүп жаткан дагы 10 адам колго түшүрүлгөн. Буга чейин Текебаевге карата "коррупция" жана "алдамчылык" беренелери боюнча кылмыш иши козголгондугу маалымдалган 

"Учурда 50гө жакын адам чогулду, алардын саны дагы көбөйүүдө. Колдорунда эч кандай плакаттар жок. Ош шаардык ИИБдин милиция кызматкерлери тартипти көзөмөлгө алууда", — деп билдирди кабарчы.

Оглашение приговора по делу о похищении сына Е.Касперского - Sputnik Кыргызстан
"Ата Мекен" партиясынын жаштар канатынын мүчөлөрү эки суткага камалды
Иш УКМК тарабынан түшкөн материалдарды иликтөөнүн негизинде козголгон. Атайын кызматка Текебаевди сот жоопкерчилигине тартуу өтүнүчү менен Россиянын телекоммуникациялык компанияларынын ээси Леонид Маевский кайрылган.

Маевский арызга Текебаев 2010-жылы Убактылуу өкмөттүн төрага орун басары болуп турганда ага MegaCom компаниясынын акциясын алууга жардам берем деп бир миллион доллар алганын жазган. Депутатка карата кылмыш иши Башкы прокуратура тарабынан козголуп, УКМК тергөө иштерин жүргүзүп жатат.

Жаңылыктар түрмөгү
0