"Ата Мекен" партиясынын жаштар канатынын мүчөлөрү эки суткага камалды

© Sputnik / Евгений Биятов / Медиабанкка өтүүОглашение приговора по делу о похищении сына Е.Касперского
Оглашение приговора по делу о похищении сына Е.Касперского - Sputnik Кыргызстан
Жазылуу
Кармалгандар Чүй облусунун Сокулук РИИБинин убактылуу кармоочу жайына киргизилди. Алар укук коргоо органдарынын кызматкерлерине "баш ийген эмес" деп айыпталып жатат.

БИШКЕК, 26-фев. — Sputnik. Сокулук райондук сотунун чечими менен "Ата Мекен" партиясынын жаштар канатынын мүчөлөрү эки суткага камалды. Бул тууралуу аталган партиянын маалымат кызматы билдирди.

Митинг за освобождение депутата Текебаева в Базар-Коргоне - Sputnik Кыргызстан
Базар-Коргондо митингге чыккан Текебаевдин жактоочуларынын саны 200дөн ашты
"Ата Мекен" партиясынын башчысы Өмүрбек Текебаев жекшемби күнү түнкү саат үчтөр чамасында Венадагы иш сапарынан кайтып келер замат "Манас" аэропортунан кармалган. Эл өкүлүнүн келишин күтүп жаткан дагы 10 адам колго түшүрүлгөн.

Буга чейин Текебаевге карата "коррупция" жана "алдамчылык" беренелери боюнча кылмыш иши козголгондугу маалымдалган.

Иш УКМК тарабынан түшкөн материалдарды иликтөөнүн негизинде козголгон. Атайын кызматка Текебаевди сот жоопкерчилигине тартуу өтүнүчү менен Россиянын телекоммуникациялык компанияларынын ээси Леонид Маевский кайрылган.

Маевский арызга Текебаев 2010-жылы Убактылуу өкмөттүн төрага орун басары болуп турганда ага MegaCom компаниясынын акциясын алууга жардам берем деп бир миллион доллар алганын жазган.

Депутатка карата кылмыш иши Башкы прокуратура тарабынан козголуп, УКМК тергөө иштерин жүргүзүп жатат.

"Укук коргоо органдарынын кызматкерлери күч колдонуп, депутатты күтүп турган адамдарды кармашты. Алардын ким экендигин териштирип отурбай эле, милициянын автобусуна салышкан. Алардын арасында журналисттер жана Жогорку Кеңештин депутаты Каныбек Иманалиев да бар болчу", — деп жазылат маалыматта.

Кармалгандардын бардыгы Чүй облусунун Сокулук РИИБине жеткирилген. Жактоочулардын кийлигишүүсү менен депутат менен журналисттер чыгарылган.

Митинг у здания ГКНБ сторонников задержанного депутата Текебаева - Sputnik Кыргызстан
УКМКнын алдында Өмүрбек Текебаевдин тарапташтары чогула баштады
Партиянын маалымат кызматынын билдирүүсүнө ылайык, РИИБде 10го чукул "ата мекенчилер" болгон жана алардын ар бирине административдик иш козголгон. Алар укук коргоо органдарынын кызматкерлерине баш ийбегендиги үчүн айыпталган.

Учурда аталган административдик иш боюнча соттук отурум болуп, аларды эки суткага камоо чечими чыкты.

Кармалгандар Чүй облусунун Сокулук РИИБинин убактылуу кармоочу жайына киргизилген.

"Ата Мекен" саясий партиясы укук коргоо органдары тарабынан жасалган иш аракеттерди мыйзамсыз деп санайт.

Жаңылыктар түрмөгү
0