Жапаров: кредити барларга бюджеттен эмес, башка булактан жардам берилет

Жазылуу
Sputnik Кыргызстандын кабарчысы бюджеттин тартыштыгы 35 миллиард сомдон ашып турган учурда каражатты кайдан табарын сурады.

БИШКЕК, 12-ноя. — Sputnik. Өкмөт убадалаган 100 миңге чейин кредити бар үй-бүлөлөргө жардам берүү үчүн каражат бюджеттен бөлүнбөйт. Бул тууралуу президенттин милдетин аткаруучу Садыр Жапаров маалымат жыйында билдирди.

Ага Sputnik Кыргызстандын кабарчысы бюджеттин тартыштыгы 35 миллиард сомдон ашып жаткан учурда каражатты кайдан табарын сурады. Себеби бул категорияга кирген 600 үй-бүлөгө көмөктөшүү үчүн 1,2 миллиард сом керектелет.

"Бул пландалган бюджетке кирбеген акча. Биз каражатты башка булактан таптык", — деди Жапаров.

Бир дагы жер сатылбайт! Садыр Жапаров тышкы карыздан кутулуунун бир жолун айтты

Андан соң журналист кайсы булак экенин атап берүүсүнө кызыкты. Бирок мамлекет башчынын милдетин аткаруучу ал тууралуу кийинчерээк айта турганын билдирди.

"Чечилбеген маселе жок, баарын чечсе болот, эң башкысы иштеш керек", — деп жооп кайтарды.

Садыр Жапаровдун маалымат жыйынын тексттик баяндамадан окуңуздар.

Жаңылыктар түрмөгү
0