“Айыл банк” 10 миӊден ашык кишинин 5 млрд сомдой кредитин жеңилдетти

© Sputnik / Табылды КадырбековБишкектеги Айыл Банк имараты. Архив
Бишкектеги Айыл Банк имараты. Архив - Sputnik Кыргызстан
Жазылуу
Улуттук банктын токтомуна ылайык, коммерциялык банктар насыя төлөө мөөнөтүн бери дегенде үч айга жылдырып, кечиккендиги үчүн айып пул салбайт.

БИШКЕК, 8-май — Sputnik. “Айыл Банк” ААКсы пандемия шартында кардарларын колдоо максатында 5 миллиард сомго 10 миӊ 153 кредит боюнча реструктуризациялоо жүргүздү. Бул тууралуу аталган банктын башкаруучулугунун төрагасы Бактыбек Шамкеевге шилтеме берип Республикалык штаб кабарлады.

“ӨА жана ӨК шарттарында биздин банк кардарларга насыяларды төлөөнү жылдыруу жана мөөнөтүн узартуу боюнча иш-чараларды жүргүзүп жатат. Бул үчүн жарандар мобилдик тиркемелер аркылуу арыз жазышат. 2020-жылдын 1-майына карата банк жалпы суммасы 5 миллиард сомго 10 миӊ 153 кредит боюнча реструктуризациялоо жүргүздү”, — деди Шамкеев.

Работа за компьютером - Sputnik Кыргызстан
"РСК банкы" коронавирус жуктуруп алган кызматкерлери тууралуу үн катты
Анын айтымында, жазгы талаа иштери жана калктын башка муктаждыктарын канааттандыруу үчүн насыяларды берүү боюнча иштер жүрүүдө.

Эске салсак, Улуттук банк март айында "Коронавируска байланыштуу каржы-насыялык ишмердүүлүктү жөнгө салуунун убактылуу эрежелери жөнүндө" токтом кабыл алган. Ага ылайык, насыяларды төлөө мөөнөтү бери дегенде үч айга жылдырылып, кечиккендиги үчүн айып пул салынбайт. Ошондой эле кардардын "кредиттик тарыхына" бул айлардагы кечигүүлөр эсепке алынбайт.

Жаңылыктар түрмөгү
0