11:42 24 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Монеталар. Архивдик сүрөт

Былтыр экономикалык өсүү болгонбу? Статкомдун маалыматы

© Sputnik / Табылды Кадырбеков
Экономика
Кыскача шилтеме алуу
109 0 0

Оң тенденция же реалдуу өсүш айыл чарбасында, курулушта, дүң жана чекене соодада байкалган.

БИШКЕК, 17-янв. — Sputnik. Статистика боюнча улуттук комитет 2018-жылдын жыйынтыгы боюнча экономикалык өсүүнүн тенденциялары кандай болгондугун маалымдады. Бул туурасында аталган ведомстводон билдиришти.

Былтыр ички дүң продуктунун көлөмү алдын ала баалоолор боюнча 557 миллиард сомду түзүп, мурдагы жылга салыштырганда 3,5 пайызга жогорулады.

"Кумтөр" кен казуу ишканасын эсепке албаганда, ички дүң продуктунун көлөмү 509 миллиард сомду түзүп, 3,5 пайызга өстү.

Өнөр жай продукциясынын көлөмү 2018-жылы 251 миллиард сомго жакындап, мурунку жылга салыштырмалуу 5,4 пайызга жогорулады.

Оң тенденция же реалдуу өсүш айыл чарбасында, курулушта, дүң жана чекене соодада байкалган.

Инфляциянын деңгээли керектөө чөйрөсүндө 0,5 пайызды түзгөн.

2018-жылы мурдагы жылдын декабрына салыштырмалуу баалардын жана тарифтердин төмөндөөсү Баткен жана Чүй облустарында байкалса, алардын эң көп жогорулоосу Нарын дубанында байкалган.

"Республиканын тышкы соода ишмердиги негизги көрсөткүчтөрдүн өсүшү менен мүнөздөлдү. Былтыр январь-ноябрда тышкы соода жүгүртүүнүн көлөмү 5,9 миллиард долларды түзүп, мурдагы жылга салыштырмалуу 6,2 пайызга жогорулады. Ошону менен бирге экспорт 0,8, ал эми импорт 8,2 пайызга өстү", — деп айтылат маалыматта.

ЕАЭБге мүчө мамлекеттер менен республиканын тышкы соода жүгүртүүсү 4,8 пайызга төмөндөгөн. 2018-жылдын январь-ноябрында тышкы соода жүгүртүүнүн көлөмү 2,1 миллиард долларды түздү.

ЕАЭБге мүчө мамлекеттер менен Кыргызстандын соода жүгүртүүсүндө эң чоң үлүш Россия (65,9 пайыз) жана Казакстанга (32,3 пайыз) туура келет.

Тема боюнча

Кыргызстандыктар кайсы өлкөлөрдөн келген этти жейт? Статистика
Дүйнөлүк банк Кыргызстанга 46 млн. доллар берет. Акча эмнеге жумшалат?
Кыргызстандан акча сыртка агып жатат. Акыркы статистика
Миллиондогон акча чыкты! Зилалиевдин үй-жайын тинткендеги видео
Белгилер:
импорт, экспорт, экономика, Евразиялык экономикалык биримдик, Кыргызстан

ЭҢ МААНИЛҮҮ