Ызы-чуу менен коштолгон тендер. "Коопсуз шаар" долбоору 50 млрд. сом турабы?

© Sputnik / Александр Кряжев / Медиабанкка өтүүКомплекс автофиксации нарушений ПДД в Новосибирске
Комплекс автофиксации нарушений ПДД в Новосибирске - Sputnik Кыргызстан
Жазылуу
"Коопсуз шаар" көп жылдан бери ишке ашпай келүүдө. Бул ирет ага Мамлекеттик сатып алуулар системасындагы техникалык мүчүлүштүктөр себеп болду.

БИШКЕК, 23-авг. — Sputnik. "Коопсуз шаар" долбоорунун аукционун өткөрүп жаткан маалда Мамлекеттик сатып алуулардын системасы иштебей калды. Бул тууралуу Маалыматтык технологиялар жана байланыш мамлекеттик агенттигинен билдиришти. 

Жолдогу автоунаалар. Архив - Sputnik Кыргызстан
"Коопсуз шаар" пилоттук долбоору кандай жыйынтык бергени айтылды
Долбоорду ишке ашыра турган тарап бүгүн саат 15.36да сынактын өтүнмөлөрүн ачууда белгилүү болушу керек болгон. Бирок атайын иштеген система чындыкка коошпогон тизмени түзгөн. Ага ылайык, Megaline компаниясы фото жана видео каттагычтарды орнотуудагы ар бир лотко 50,5 миллиард сом сунуш кылган. Ошондой эле система сынакка катышкан "Кыргызтелеком" ААКсы, "Концерн радиостроения "Вега" акционердик коому сунуштабаган баа менен тизмеде туруп калган. 

Эмне себептен система иштебей калгандыгын адистер учурда тактап жатышкандыгын Маалыматтык технологиялар жана байланыш мамлекеттик агенттигинин төрагасынын орун басары Кубаныч Шатемиров түшүндүрдү. 

"Биз азыр мүчүлүштүктүн себептери боюнча корутундуну техникалык адистерден күтүп жатабыз. Ошондон кийин маалымат беребиз", — деди ал. 

Шатемиров ошондой эле сынак башка тараптарды дагы кызыктыра баштагандыгын белгилейт. Сынактын жыйынтыгын чыгарып жатканда эки жергиликтүү жана бир чет элдик компания билдирүү таштагандыгын кошумчалады. 

"Megaline чындыгында эле ал акционго катышкан, бирок ал жерде көрсөтүлгөн сумма арыздагыга дал келбейт", — деп компаниянын коммерциялык директору Руслан Жайнаков билдирип, алар берген сумманы айта албай тургандыгын айтты. 

"Коопсуз шаар" долбоорунун алкагында видео көзөмөлдөөчү камераларды орнотуу үчүн тендер 20-июлда жарыяланган. Баштапкы баасы 2,5 миллиард сом. Тендердин шарты боюнча алдын ала акча төлөө каралган эмес. Бардык каражаттар жабдуулар кабыл алынгандан кийин гана төлөнөт. 

Премьер-министр КР Мухаммедкалый Абылгазиев ознакомился с проектом Безопасный город в Тбилиси - Sputnik Кыргызстан
Кыргызстан “Коопсуз шаар” боюнча Грузиянын тажрыйбасын колдонушу мүмкүн
Жеңүүчү жабдууларды алуу, орнотуу, жол эржесинин 110 пункту боюнча фотовидеокөзөмөлдөөчү жабдууларын иштетүүдөгү бардык чыгымдарды жабат.

Эске сала кетсек, "Коопсуз шаар" долбоорунун биринчи тендери жокко чыгарылган. Андан соң 2015-жылдан башында россиялык "Стилсофт Бишкек" компаниясы утуп чыгып, орто жолдо Ички иштер министрлиги анын талаптарына көнгөн эмес. Кийин ал долбоорду ишке ашыруу кытайлык Huawei компаниясына өткөрүп берилмек, бирок милдеттенмелердин аткарылбагандыгына байланыштуу кыргыз тарап келишимден чыккан.

Жаңылыктар түрмөгү
0