09:50 06 Бештин айы 2019
Түз эфир
  • USD69.8500
  • EUR77.4602
  • RUB1.0946
Одилзон Абдурахманов во время матча отборочного раунда чемпионата мира 2022 года между сборными Кыргызстана и Японии на стадионе Омурзакова в Бишкеке. 14 ноября 2019 года

Япон басылмалары Бишкекте өткөн футбол мелдешин кандай чагылдырды?

© AP Photo / Vladimir Voronin
Басма сөзгө баяндама
Кыскача шилтеме алуу
Кыргызстан — Япония беттеши (31)
10580 0 0

14-ноябрда Бишкектеги Дөлөн Өмүрзаков атындагы стадиондо Кыргызстан менен Япониянын курама командалары 2022-жылы өтө турчу Дүйнөлүк чемпионаттын тандоо турларынын алкагында беттешти.

Тилекке каршы, Кыргызстан 0:2 эсебинде утулуп калды. Анткен менен кыргызстандык оюнчулар татыктуу оюн көрсөтүп, стадионго келген күйөрмандарды көңүл кош калтырган жок. Кыргыз оюнчулары оюндун башында үстөккө-босток чабуулга өттү. Тилекке каршы, андан майнап чыккан жок.

Япон оюнчулары биринчи таймдын аягында пенальтиден гол киргизип эсепти ачты. Экинчи таймдын башында айып топту тээп, гол киргизип кетти.

Кыргызстандын курама командасынын машыктыруучусу Александр Крестинин да оюнчулар жакшы оюн көргөзгөнүн айтып, күчтүү команда менен болгон беттеш бир топ тажрыйба бере турганын белгилеген.

Sputnik Кыргызстан агенттиги Бишкек шаарында өткөн мелдеш тууралуу япониялык басылмалар кандай маалыматтарды жазганын билип көрдү. Басылмаларга чыккан маалыматтарды жазууда Японияда жашаган Чыңгыз Сүйүнбек уулу жардам берди.

Soccerdigestweb басылмасынын эксперти Кенсуке Хонда япон курамасынын кыргыз футболчулары менен болгон оюнуна баа берген. Ал өз макаласында япон оюнчуларынын ичинен дарбазачыга эң жогорку баа берип, аны команданын сактоочусу деп атаган. Бул тууралуу ал мындай деп жазган:

"Футбол талаасында оюн татаал болду. Япон курамасы катары менен төртүнчү жолу жеңишти камсыздады. Бирок бул комплимент эмес. Себеби оюн өтө оор болду, футбол талаасынын абалы начар болгондуктан топту таамай тебүү кыйынга туруп, алыска пас берүү дээрлик болгон деле жок. Шуичи Гонда 31чи жана 67-минуталарда албууттанган кыргыз футболчуларынын коркунуч жараткан эки соккусун жокко чыгарды. Бул кадамы менен ал өз оюнун таба албай жардын кырында турган япон курамасына дем берип, аны утулуудан сактап калды.

Команданын коргоочусу 22-номурдагы Мая Ёшида эл аралык 100-оюнун өткөздү. Атаандаштардын чабуулдарына канчалык туруштук бербесин, каршылаштардын чабуулунун импульсу төмөндөгөн жок. Япония жеңип алды, бирок мен бул оюнду кыргыздардын айкөлдүгү даана сезилген оюн болгондугун айтып коюшум керек", – деген пикирин жазган.

NHK басылмасы Япония үчүн оюндун ритмине кирүү өтө оор болгонун жазды. Футбол талаасынын чөп өспөгөн жерлеринде япон футболчулары көп жаңылып жатышты. Бирок биринчи бөлүктүн аягында каршылаштардын дарбазачысы эреже бузгандыктан кыргыз тараптын дарбазасына пенальти дайындалганын жазган. Жарым коргоочу Такуми Минамино бул мүмкүнчүлүктү колдон чыгарбаганына токтолгон.

Тема:
Кыргызстан — Япония беттеши (31)

Тема боюнча

Күйөрмандар оюндан кийин таштандынын баарын жыйнай кетишти. Сүрөт
Япониянын жеңишинен кийин F группасында кандай өзгөрүү болду? Таблица
Белгилер:
ЖМК, Япония, Кыргызстан, футбол

ЭҢ МААНИЛҮҮ