23:12 01 Тогуздун айы 2020
Түз эфир
  • USD79.4881
  • EUR93.2356
  • RUB1.0286
Маданият

Желкеден алып сүйрөп чыккан. Аринбасарова менен Океевдин таберик сүрөтү

Кыскача шилтеме алуу
"Таберик сүрөт" — сейрек кездешкен ирмемдер (121)
283 0 0
Белгилүү киноактриса, СССРдин эмгек сиңирген артисти Наталья Аринбасарова менен залкар режиссер, СССРдин эл артисти Төлөмүш Океевдин сүрөтү 1977-жылы Ысык-Көл облусунда тартылган.
© Sputnik / Александр Федоров.

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Белгилүү киноактриса, СССРдин эмгек сиңирген артисти Наталья Аринбасарова менен залкар режиссер, СССРдин эл артисти Төлөмүш Океевдин сүрөтү 1977-жылы Ысык-Көл облусунда тартылган.

Ал жылы Океев "Улан" тасмасын тартып, Аринбасарова башкы каармандын келинчегинин ролун жараткан.

Сүрөттүн автору фотограф Александр Федоровдун айтымында, эки инсандын бул сүрөтү тыныгуу маалында талашып-тартышып, тамашалашып жатканда тартып алынган.

Ал эми учурда Россияда жашап жаткан актриса Аринбасарова өзүнүн берген маектеринин биринде ошол учурду мындайча эскерген жайы бар.

"Тасмадагы ролду жаратуу психологиялык жактан өтө кыйын болгон. Анткени анда адамдын ичкиликке берилип кетип, үй-бүлөсүн азапка салган кыйын тагдыры чагылдырылган. Ызы-чуу, мушташ, ый да бар эле. Ошол эле маалда Төлөмүш катуу талап коюп, окуяларды чындыкка жакындатууга аракет кылчу. Ага жараша бардык ынтааңды коюп, акыркы күчтү жумшап болсо дагы образга киришиң керек. Фильмде мен жүрүп бараткан поездге жетип, ага чыгышым зарыл болгон жери бар. Аябай оор кийимдерди кийип алгам. Биринчи, экинчи дублди, анан үчүнчү дублди тарттык. Кайра-кайра жүгүрүп жүрүп чарчап, оңураак дем ала албай калгам.  Төлөмүшкө "мен азыр өлүп калам" деп айттым. Ал "өлбөйсүң" деп койду. Акыркы кадрды тартканда эптеп поезддин кармагычына илинип чуркаганым эсимде. Көрсө, Сүймөнкул менин кыйналып жатканымды байкап поезддин ичине кирип алыптыр. Күчүм калбай баратканда желкеден алып сүйрөп чыккан. Антпегенде мен поезд алдында калып же темир жолдун боюндагы зым карагайга илинип калмакмын", — деди актриса.

Балыкчынын шамалында тамеки тиштеген Аринбасарова. "Уландагы" таберик сүрөт

Аталган тасмада Сүймөнкул Чокморов, Советбек Жумадылов, Асанкул Куттубаев, Геннадий Базаров, Жамал Сейдакматова, Асанбек Умуралиевдер образ жаратышкан.

Жыйынтыгында ал эмгек кино сүйүүчүлөрдүн купулуна толуп, 1978-жылы Еревандагы Бүткүл союздук XI кинофестивалда Төлөмүш Океев мыкты режиссёрдук иши жана Сүймөнкул Чокморов эркектин ролун өтөсүнө чыгара аткаргандыгы үчүн сыйлыкка ээ болушкан. Андан сырткары,  Азия, Африка, Латын Америка өлкөлөрүнүн Ташкентте өткөн V эл аралык кинофестивалында ошол эле номинацияларды жеңген.

Тема:
"Таберик сүрөт" — сейрек кездешкен ирмемдер (121)

Тема боюнча

Бири-бирине тирек болгон кыргыздын сыймыктары. Таберик сүрөт
АКШда жүрүп Чокморовдун ден соолугун ойлогон Океев. "Уландагы" таберик сүрөт
Кино камындагы Жакиев, Базаров, Кыдыралиев... Мөлтүрөгөн жаштык кезден таберик сүрөт
Белгилер:
таберик сүрөт, "Улан" тасмасы, Төлөмүш Океев, Наталья Аринбасарова

Дагы инфографика

ЭҢ МААНИЛҮҮ