Ызы-чуу түшүргөн кыргызстандык модель өлкө атынан Тайвандагы сынакка катышат

© Sputnik / Табылды КадырбековСулуулук сынагынын катышуучулары. Архив
Сулуулук сынагынын катышуучулары. Архив - Sputnik Кыргызстан
Жазылуу
Алтынай Абдымомунова "Кыргызстан сулуусу — 2017" сулуулук конкурсуна катышып жатып, финал күнү мелдештен четтетилген болчу

БИШКЕК, 15-сен. — Sputnik. Кыргызстандык Алтынай Абдымомунова Тайванда өтүп жаткан Global Charity Queen эл аралык сулуулук сынагында өлкө намысын коргойт. Бул тууралуу конкурстун Facebook баракчасында маалымдалды.

Дүйнөнүн булуң-бурчунан келген 50 сулуу катышып жаткан конкурс 12-сентябрда башталган, 24-сентябрга чейин уланат. Конкурстун финалдык бөлүгү Тайвандын Пэнху аймагында 23-сентябрда өтөт.

Конкурс быйыл биринчи жолу провинция өкмөтүнүн колдоосу менен өтүп жатат.

Буга чейин Алтынай Абдымомунова "Кыргызстан сулуусу — 2017" сулуулук сынагына катышып жатып финалдык бөлүктүн алдында мелдештен четтетилген. Конкурстун уюштуруучусу Таттыбүбү Самидин кызы менен Абдымомунова тил табыша албай койгон. Мелдеш аяктары менен Абдымомунова жана үч катышуучу "Кыргызстан сулуусу — 2017" сулуулук конкурсунун уюштуруучуларына карата арыз жазып, милицияга кайрылган. Бирок кылмыштын белгилери болбогондуктан иш козголгон эмес.

Жаңылыктар түрмөгү
0