Ал жакында эле француз режиссеру Гийом Проценконун "Разбуди меня" тасмасына тартылып, фильм Бишкекте көрсөтүлгөнү жатат. Тасманын жабык премьерасына актер, режиссерлор менен кошо биздин актриса дагы келген. Мүмкүнчүлүктөн пайдаланып, Sputnik Кыргызстан агенттиги аны студияга чакырып, чыгармачылыгы тууралуу кыскача маек курду.
— Канчадан бери Кыргызстанды көрө элексиз? Сагынып калсаңыз керек?
— Ооба, "Кухня" сериалына тартылгандан бери мекениме келе элекмин. Ага чейин бат-баттан келип Көлгө барып эс алып кетчүбүз. Андан бери төрт-беш жыл өтүп кетти го, буюрса быйыл жай келсе үй-бүлөбүз менен келебиз. "Разбуди меня" тасмасы Бишкекте дагы көрсөтүлөт дегенинен анын жабык премьерасына кокустан эле келип калдым.
— Жаңы тартылган тасмаңыз тууралуу айтып берсеңиз, француз режиссерунун тасмасына кандайча тартылып калдыңыз?
— Гийом Проценко Россияда жашайт. Ал эми продюсери Кыргызстанда төрөлүп өскөн Татьяна Петрик болду. Россиядагы Светлана Назаренко, Жылдыз Осмоналиевалар болуп кеңешип тасманы Бишкекте да көрсөтүүнү чечишиптир.
— Тасмада сиз эмне роль жаратасыз?
— "Разбуди меня" тасмасы жанры боюнча драма. Сюжетинде миграция маселеси да камтылган, буга байланыштуу режиссерлорго азиат улутундагы актриса керек болуп мени тандашты. Фильмде мен баңги бизнеси менен алектенген мигрант аялдын образын жаратам.
— Сиз тууралуу орус басылмалары "Кыргызстандын кичинекей айылында төрөлгөн кыз көрөрмандардын сүйүктүү актрисасына айланды" деп жазып жүрүшөт. Москвага кандайча барып калдыңыз эле?
— Сиз актрисалык карьераңыз 40 жашыңыздан өтүп башталган деп айтып жүрөсүз. Эмнеге мынча кеч?
— Ийгиликтин эрте-кечи жок деген жакшы сөз бар, анын сыңарындай мен да актрисалык карьерам 45 жашымда башталды. Мейли, кеч болсо да кичинемден ойлогон кыялыма жеттим. Өзүмдү азыр абдан бактылуу сезем. Балдар кичинесинде үй кожойкеси болуп, аларды ийримдерге, мектепке алып барып эле убакыт өткөрчүмүн. Анан улуу балам окууну бүтөрү менен минтип карьерама жол ачылды. Бул да болсо Кудайдын буйругу болсо керек.
— Орустардын мен-мен деген кыйын актерлору менен бир катарда роль жаратып жүрүү сиз үчүн кыйынчылык жараткан жокпу?
— Негизи мындай карасаң абдан жөнөкөй келишет экен, алар менен иштөө мага абдан жеңил болду. Башында тартынып, кыйналдым, бирок тез эле көнүп кеттим. Тасма төрт жыл тартылып, баарыбыз бир үй-бүлөдөй болуп калдык. Кыйын, белгилүү актерлор болсо дагы эч качан бой көтөрүшпөйт. Мен өзүм да жөнөкөй, тамашакөй адам болгондуктан бат эле жуурулушуп кеттим.
— Эмне үчүн сизге "Айнура" деген атты ыйгарып коюшкан?
— Өздөрүнө карашты, себеби "Айнура" деген атты алар жеңил айтышат экен. Ошондуктан ушул атты тандашыптыр.
— "Кухня" тасмасына тартылып жатып, тамактын түрүн жасаганды үйрөнсөңүз керек.
— Биз француз ресторанында тартылдык. Ал жакта өзүмө жаккан салат, тамактардын рецептерин дароо жазып алчумун. Бир күнү туулган күнүмдө атайын өзүм толтура кылып өзгөн күрүчүнөн палоо басып келсем, тамшанып жешкен. Башкы ашпозчу пловдун көп түрүн билчүмүн, бирок мындай түрүн жеп көрбөптүрмүн деп абдан мактаган.
— Өз курагыңыздан жаш көрүнөт экенсиз?
— Бул сериалдан кийин башка дагы тасмаларга тартыла баштадыңызбы?
— Андан бери жалпы 15тей тасмага тартылдым окшойт. Мугалимдин ролунан тарта үй кызматкеринин образына чейин бар. Алардын ичинен Украина тарткан драма-боевик жанрында төрт сериялуу "Таиланд. Вместе навсегда" деген тасмада да роль жараткам.
— Кыргыз тасмаларында роль жаратуу ойдо жокпу?
— Албетте, тартылгым келет. Кыргыз режиссерлору качан чакырар экен деп күтүп жатам. Башкысы, тасманын мааниси терең болсо мен ар дайым даярмын.
— Россияда тасмага тартылууда гонорарларды жакшы төлөп беришсе керек?
— Ооба, иштеген ишиңе жараша төлөйт. Кудайга шүгүр.
— Башка дагы кандай таланттарыңыз бар?
— Ырдаганды жакшы көрөм, кээде комуз менен ырдап коём.
