Казакстан менен Өзбекстанда COVID-19 жуктургандар көбөйүп баратат

© REUTERS / PAVEL MIKHEYEVКөчөлөрдү дезинфекциялап жаткан кызмакерлер. Алмата, Казахстан
Көчөлөрдү дезинфекциялап жаткан кызмакерлер. Алмата, Казахстан - Sputnik Кыргызстан
Жазылуу
 Кечээ Казакстанда 41 киши, Өзбекстанда беш киши коронавирус жуктурду. Ал эми Кыргызстанда 14 учур аныкталып, жалпы саны 58ге жетти.

БИШКЕК, 28-мар. — Sputnik. Казакстанда 28-мартка караган түнү 41 киши коронавирус жуктуруп алды. Бул тууралуу Sputnik Казакстан агенттиги жазды.

"32 учур Нур-Султан, эки учур Алматы шаарларында, эки учур Акмоло, бир учур Алматы, бир учур Атырау, бирөө Кызыл Ордо, экөө Түштүк Казакстан облустарында катталды, — деп айтылат макалада.

Кишенделген адам. Архив - Sputnik Кыргызстан
Чүйдө 15 киши коронавирус жуктурду деп жалган маалымат тараткандар кармалды
Ошентип ушул тапта Казакстанда 191 адам коронавирустан дарыланып жатат. Коңшу өлкөдө биринчи өлүм 26-март күнү катталды. Анда 64 жаштагы Нур-Султан шаарынын тургуну конокко барганда жуктуруп алып, эки тараптуу пневмонияга кабылганы аныкталган.

Ал эми Өзбекстанда кечээ дагы беш адам вируска кабылып, жалпысынан ооругандардын саны 88ге жетти. Бул өлкөдө дагы COVID-19 вирусунан бир адам каза тапты. Улгайган аялдын кант диабети, жүрөк оорусу сыяктуу бир топ илдеттери болгондуктан, 27-мартта таңкы саат 4:30да инфаркт алган.

Тажикстанда болсо азырынча вирус жуктуруп алгандар жок. Бирок өлкө андан сактануу максатында чек арасын жаап, атургай 28-марттан тарта сырттан киши же жүк ташып келе жаткан чет элдик айдоочуларды дагы киргизбей турган болду. Учурда Тажикстанда 3 800 киши санаторий жана жугуштуу илдеттер ооруканаларында карантинден өтүп жатышат.

Коронавирус тууралуу

Акча каражаттары. Архив - Sputnik Кыргызстан
COVID-19 менен күрөшүү эсебине дээрлик 50 млн. сом түштү
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттыкты сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Баса, бүгүн эртең менен дүйнөдөгү коронавирус жуктуруп алгандардын саны боюнча Италия экинчи орунга чыгып, Кытайды үчүнчү сапка жылдырды. Ал эми тизменин башында АКШ турат.

Жаңылыктар түрмөгү
0