16:19 05 Чын Куран 2020
Түз эфир
  • USD84.8713
  • EUR91.6483
  • RUB1.0978
Азия
Кыскача шилтеме алуу
646 0 0

Буга чейин Кыргызстан казак тарап ар кандай чектөөлөрдү коюп, соода жүгүртүүгө тоскоолдук жаратканын айтып ДСУга арызданган.

БИШКЕК, 24-фев. — Sputnik. Казакстан Дүйнөлүк соода уюмуна (ДСУ) Кыргызстан боюнча доо-арызын даярдоодо. Бул тууралуу коңшу мамлекеттин соода жана интеграция боюнча вице-министри Жанель Кушукова билдиргенин Sputnik Казакстан жазды. 

Буга чейин Кыргызстан казак тарап ар кандай чектөөлөрдү коюп, соода жүгүртүүгө тоскоолдук жаратканын айтып ДСУга арызданган.

Казакстан дооматка жооп кайтарып, Кыргызстан бажылык башкаруусун колго ала албай, Казакстандын жана ЕАЭБге мүчө мамлекеттердин бюджетине зыянын тийгизип жатканын билдирген.

Кушукованын айтымында, Кыргызстандын арызданганы аларды таң калтырган.

"Бизде Кыргызстандын улуттук мыйзамынын дал келбестиги тууралуу ДСУга бир нече кайрылуу даярдалууда. Коңшу мамлекет ДСУга бизден биринчи кайрылып жиберди. Бирок алардын доосу анча негизделген эмес. Март айында Дүйнөлүк соода уюмунун бир нече комитеттеринин жыйыны өтөт. Дообузду ошондо айтабыз", — деди Кушукова.

Коңшу өлкөнүн вице-министри Евразия экономикалык биримдигине (ЕАЭБ) кирген башка өлкөлөр сыяктуу Кыргызстандын өзүнүн атамекендик ишкерлер үчүн мүмкүнчүлүгү жана кошумча рыногу бар экенин белгиледи.

"Кыргызстандын аткара турчу иштери көп. Мисалы, бажы администрациясын модернизациялоо жана унификациялоо иши бар. Бирок бул рынок! Кыргызстан биздин өнөктөш, эки тараптуу карым-катышыбыз жокко чыгарылбайт", — деген ал.

ДСУнун Соода процедураларын жөнөкөйлөштүрүү комитетинин жыйыны 11-февралда Женевада өткөн.

Казак тарап бардык маселе Евразия экономикалык биримдигине (ЕАЭБ) кирген өлкөлөр менен байланыштуу экенин билдирип, көйгөйдү эки тараптуу же ЕАЭБдин аянтчасында чечүү керектигин айткан.

Тема боюнча

Баткенде кыргыз-тажик чек арасы боюнча сүйлөшүү болду
Келишимди аткарбай чек араны тосот. Абылгазиев ЕАЭБ өлкөлөрүнө доомат койду
Белгилер:
кайрылуу, арыз, Казакстан, Кыргызстан, Дүйнөлүк соода уюму

ЭҢ МААНИЛҮҮ