Кытайлык хирург 50 чакырым алыста туруп операция жасады

© Sputnik / Табылды КадырбековЗаслуженный врач КР хирург Юсуп Уметалиев
Заслуженный врач КР хирург Юсуп Уметалиев - Sputnik Кыргызстан
Жазылуу
Алгачкы операция чочкого жасалып, бир саатка созулду.

БИШКЕК, 17-янв. — Sputnik. Кытайдын Фуцзянь провинциясынын хирургдары дүйнөдө алгачкы жолу дистанттык операция жасашты. Бул тууралуу Russian.people агенттиги жазды. 

"Алгачкы операция чочкого жасалып, бир саатка созулду. Жаныбар жарым сааттан кийин өзүнө келип, абалы турукташты. Дистанттык операция 5G-технологиясы аркылуу ишке ашты", — деп айтылат макалада.

Уникалдуу операция провинциянын илим изилдөө борборлорунун биринде жасалды. Ал эми аны ишке ашырган Пекин ооруканасынын хирургу роботтун колдорун 50 чакырым аралыкта туруп, компьютер аркылуу башкарып жатты. Чочконун боорунун бир бөлүгү алып салынды.

Адистердин айтымында, жакында мындай операциялар адамдарга жасала баштайт. Бул борбордон алыскы региондордо жашаган жарандарды убара кылбай, жеринен эле дарылоого шарт түзөт.

Жаңылыктар түрмөгү
0