Айыл чарба министри Бакыт Төрөбаев быйыл өлкөдө азык-түлүккө колдонулуучу буудайды 200 миң тоннадан ашуун чогултуу пландалып, бул багытта иштер жүрүп жатканын айтты. Анын айтымында мындай көлөм чогулса сырттан келген буудай менен атаандаштыкта туруштук берип, жергиликтүү дыйкандарга ыңгайлуу шарт түзүлөт. Ал дыйкандарга кайрылып, министрлик ар тараптуу жардам көрсөтүүгө даярдыгын белгиледи.
Бул омоктуу ишти кантип жүзөөгө ашыруу пландалып жатканы тууралуу “Күн башат” программасында Суу ресурстары, айыл чарба жана кайра иштетүү өнөр жайы министрлигинин Кайра иштетүү өнөр жайы жана органикалык айыл чарба департаментинин директору Мухтар Чыналиев айтып берди.