БИШКЕК, 15-фев. — Sputnik. Бишкектеги Ала-Арча суусунун жээгин бойлой сейил бак салуу пландалууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, сейилдөөчү жол менен катар амфитеатр, коомдук искусство, воркаут, балдардын оюн аянтчалары жана дарыяга түшүүчү жер уюштурулат.
Ошондой эле Бишкектин түштүк бөлүгүн жашылдандыруу жана адамдар үчүн эс алуучу аймак түзүү пландалууда.
Бишкектин башкы архитектору Урмат Карыбаевдин айтымында, бул долбоорлорду ишке ашыруу үчүн "Бишкек башкы архитектура" мамлекеттик мекемеси бардык зарыл документтерди даярдоодо колдоо көрсөтөт.