Өлкөдө аймактык территориалдык реформа активдүү жүрүп жатат. Анын алкагында, айылдар, шаарлар ирилештирилип, түзүмдөр өзгөрүп, кызматтар кыскарып көптөгөн өзгөрүүлөр орун алууда. Мунун алкагында жайыттар дагы өзгөрүүгө дуушар болууда. Айта кетсек, тоодогу айылдар келип шаарларга кошулуп калган учурлар болду. Жайыттарды башкаруу айыл өкмөттөргө, шаар мэрияларына өткөрүлүп берилди.
Мына ушул өзгөрүүлөр тууралуу жана дегеле өлкөдө жайыттардын абалы кандай деген суроонун алкагында Суу ресурстары айыл чарба жана кайра иштетүү өнөр жайы министрлигине караштуу Асыл тукум мал чарба, жайыт жана тоют департаментинин директору Мыктыбек Каландаров менен маектештик.