БИШКЕК, 13-фев. — Sputnik. Убагында Кримтөбөл Камчы Көлбаевге тийиштүү болгон автоунаалар электрондук аукцион аркылуу сатылды. Маалыматты Мамлекеттик мүлктү башкаруу агенттиги тастыктады.
Аукциондун жыйынтыгы боюнча төмөнкү автоунаалар сатылды:
Hyundai Genesis (2019-жылкы) — 3 млн. 17 миң сом;
Toyota Land Cruiser Prado (2005-жылкы) — 1 млн. 498 миң;
Kia Rio X-Line (2019-жылкы) — 1 млн. 241 миң;
BMW X6 (2021-жылкы) — 7 млн. 661 миң;
Toyota Land Cruiser 100 (2002-жылкы) — 1 млн. 187 миң.
Мындан тышкары, тизмеде ГАЗ-21 (1965-жылкы) машинасы бар. Бирок бул авто буга чейин Көлбаевден конфискацияланган мүлк катары көрсөтүлгөн эмес.
Эске салсак, айрым автоунааларды сатуу аракеттери буга чейин болгон. Бирок сатып алуучулар табылбай келген.