Белгилүү советтик кинорежиссер Ирина Поплавская 1970-жылдардын башында республикага келип, залкар жазуучу Чыңгыз Айтматовдун "Кызыл жоолук жалжалым" чыгармасынын негизинде "Мен — Тянь-Шань" тасмасын тартууга киришкен. Анын оператору Кадыржан Кыдыралиев менен Валерий Шувалов болуп, тартуу иштерин негизинен москвалык адистер жүргүзгөн.
Кинофильмдин көпчүлүк бөлүгү Кара-Көл, Балыкчы шаарларында, Москвадагы павильондо, Долон, Төө-Ашууда тартылган.
Айдоочу жигиттин сүйүүсүн баяндаган кинокартинага Сүймөнкул Чокморов, Дүйшөн Байдөбөтов, Динара Чочунбаева, Анара Мамбетова, Акылбек Абдыкалыков, Тургун Бердалиев, Жумаш Сыдыкбекова, Бакирдин Алиев, Марат Алышпаев, Алиман Жангорозова, Советбек Жумадылов, Назирет Дубашев, Асанкул Куттубаев, Болот Шалтаев, Володя Ким катышкан. Кыргыз жеринде тартылган кинофильм 1973-жылы кинотеатрларда коюла баштаган.
Тема боюнча: