"Жамийлада" Сейит, "Бакайдын жайытында" Калык... Назирет Дубашевдин сүрөттөрү

Назирет Дубашев 1953-жылы 7-сентябрда Чүй облусунун Сокулук районундагы Күн-Туу айылында жарык дүйнөгө келген. Борбор калаадагы №1 мектеп-интернатта 4-класста билим алып жүргөндө москвалык кинорежиссёр Андрон Кончаловский "Биринчи мугалим" тасмасына балдарды издеп келет. Кичинекей Назирет киночуларга жагып калып Субандын ролуна бекитилген. Жаш талант кийин Төлөмүш Океевдин "Бакайдын жайытында" жайлоодогу чоң ата менен чоң апасына шаардан келген неберенин ролун аткарган. Эки жылдан соң Ирина Поплавскаянын "Жамийла" тасмасында Сейиттин образын жараткан. Кинематографияга аралашкан өспүрүм залкарлар менен иштешип, телевидение, радиодо эмгектенген жайы бар. Мектепти аяктаган соң Ленинграддагы окуу жайда билим алып, бирок башка тармак менен кеткен.

1 / 14

Назирет Дубашев алгачкы ролунда "Биринчи мугалим" тасмасында кичинекей окуучунун ролун аткарган

2 / 14

15 жаштагы өспүрүм Ирина Поплавскаянын "Жамийла" тасмасында Сейиттин ролунда. Сүрөттө Назирет Дубашев, Мухтар Бахтыгереев жана Наталья Аринбасарова

/

Медиабанкка өтүү

3 / 14

Кинорежиссёр Төлөмүш Океевдин "Бакайдын жайыты" тасмасында неберенин образын жараткан. Сүрөттө ал атактуу актриса Алиман Жангорозова менен

4 / 14

Тасмалар көрүүчүлөргө сунушталган соң кичинекей окуучунун атагы алыска кеткен

5 / 14

"Бакайдын жайыты" тасмасын тартуу учурунда солдон оңду карай: Назирет Дубашев, Кыргыз ССРинин эл артисти Алиман Жангорозова, актриса Бүбүсара Рыскулова, СССРдин эл артисти, белгилүү кинорежиссёр Төлөмүш Океев жана бала-бакырасы менен отурган чабандар. Суусамыр жайлоосу, 1965-жыл

6 / 14

Дубашев "Бакайдын жайыты" тасмасында Калыктын ролунда

7 / 14

Чоң атасы менен чоң апасына кол кабыш кылган Калык

/

Медиабанкка өтүү

8 / 14

Кичинекей Назирет Дубашев жана камчы менен "байбичесин" урган СССРдин эл артисти Муратбек Рыскулов. Суусамыр жайлоосу, 1965-жыл

9 / 14

Назирет Дубашев мектепти аяктаган соң режиссёр болууну эңсеп Ленинграддагы окуу жайга тапшырып, бирок аны бүтүргөн эмес

10 / 14

Кичинекей актёр Назирет Дубашев менен актриса Бүбүсара Рыскулова. "Бакайдын жайытындагы" эпизод

11 / 14

Таланттуу актёр Дубашев КРдин эл артисти, алгачкы кыргыз мультипликатор Сагынбек Ишенов менен

12 / 14

Чыгармачыл инсан азыркыга чейин киночулар менен иштешип келет. Кинорежиссёр Артык Сүйүндүковдун "Шамбала" тасмасындагы бир эпизод

13 / 14

КРдин эмгек сиңирген артисти кесиптештери, киночулар менен

14 / 14

70 жаштагы чыгармачыл инсан азыр элетте жашап, чарба иштери менен алек

Тема боюнча:

Кубанычы менен муңу аралаш 32 жыл. Эгемен Кыргызстандын тарыхый сүрөттөрү

Көп кырдуу талант... 65 жашка чыккан Күмөндөр Абыловдун сүрөттөгү ирмемдери

Далайдын дартына даба тапкан Сабырбек Жумабеков. Хирургдун жашоосунан сүрөт баян

Чыгармалары менен дүйнө кезген Султан Раев 65 жашта. Сүрөт баян

70 жылдай өмүрүн музыкага арнаган. Дирижер Жумакматовдун сүрөттөгү ирмемдери