БИШКЕК, 30-авг. — Sputnik. Россиялык кино жаратуучулар Кыргызстанда тасма тартышат. Бул тууралуу Туризмди колдоо жана өнүктүрүү фонду билдирди.
Маалыматка ылайык, кыргыз-орус кинематографисттери ортосунда кызматташтык келишимине кол коюлган.
"Россиядан келген режиссёр, сценарист, продюсерлер жана кыргызстандык киночулар төрт күн бою Ысык-Көлдө болушту. Алар "Ысык-Көл – дүйнө көлү" аталышындагы кинокластерге катышып, кыргыз кино жаратуучуларынын жаңы тасма, сериалдар боюнча идеялары менен таанышты. Мындай кинокластерди өткөрүү идеясы ушул жылдын май айында Бишкекте өткөн Евразия экономикалык форумунда жаралган. Эми ал жыл сайын өтүп турат", — деп жазылат маалыматта.
Фонд "Ысык-Көл – дүйнө көлү" кинокластери кайрадан кийинки жылы июль айына белгиленгенин, ага чейин эки өлкөнүн тасма тартуучулары жаңы сайт аркылуу онлайн форматта байланышып турарын кошумчалады.