БИШКЕК, 22-мар. — Sputnik. Оштон Бишкекке аткезчилик жол менен зер буюмдарды ташып бара жаткан кишилер кармалды. Бул тууралуу Ош облустук милициядан билдирди.
Оштон Бишкекке аткезчилик жол менен зер буюмдарды ташып бара жаткан кишилер кармалды
© Фото / пресс-служба УВД Ошской области
19-март күнү Ош милициясы "Түштүк" бажы кызматынын өкүлдөрү менен биргеликте Өзбекстандын төрт жаранын колго түшүргөн.
Маалымат кызматтан билдиргендей, алар алып бара жаткан зер буюмдардын жалпы баасы 18 миллион сом деп бааланды.
"Бул зер буюмдардын бардыгын өздөрү тагынып алышкан. Мыйзам боюнча 2 миллион сомдон жогору бааланган зер буюмдар бажы декларациясынан өткөрүлүшү керек. Кармалгандар бири-бирине жакын туугандар экени аныкталды. Алар Өзбекстандан "Достук" өткөрүү пункту аркылуу кирип, Оштон Бишкекке учуп кетүүнү көздөп жатышкан", — деди милициядан.
Аталган факт Ош милициясынын электрондук журналына катталып, жерине ыкчам-иликтөө тобу жиберилди.