БИШКЕК, 2-мар. — Sputnik. Эртең, 3-мартта, Бишкекте мамлекеттик туунун 30 жылдыгына арналган салтанаттуу иш-чара өтүп, ага өлкө башчы Садыр Жапаров катышат. Бул тууралуу президенттин маалымат кызматы кабарлады.
Билдирмеге караганда, майрам борбордук "Ала-Тоо" аянтында белгиленет.
"Салтанаттуу иш-чараны КТРК, республикалык жана облустук телеканалдар түз алып көрсөтөт. Түз эфир 09:55те башталат", — деп айтылат маалыматта.
Буга байланыштуу эртең Бишкектин борбордук бөлүгү беш саатка жабыларын шаардык милициянын Патрулдук кызматынан билдирди.