БИШКЕК, 28-фев. — Sputnik. Бишкектин эки шайлоо округунда добуштарды кол менен саноо аяктаганын БШКдан кабарлады.
Биринчи май округунан 25 талапкер ат салышты, алардын ичинен бешөө алдыга чыкты:
1.
Эльвира Сурабалдиева — 9 225 добуш (47.97%);2.
Нурбек Тотонов — 3 544 добуш (18.43%);3.
Нурбек Токтакунов — 1 068 добуш (5.55%);4.
Баарына каршы — 935 добуш (4.86%);5.
Тахир Мусаев — 736 добуш (3.68%).Эльвира Сурабалдиева
© Фото / пресс-служба ЖК
Бул округдан 19 322 жаран өз тандоосун жасады, бул шайлоочулардын 17 пайызын түзөт.
Свердлов округунан дагы 25 талапкер жарышка чыгып, анын ичинен төмөнкү бешөө көбүрөөк добушка ээ болду:
1.
Абдурахманхаджи Муртазалиев — 5 806 добуш (19.52%)2.
Шайлообек Атазов — 5 383 добуш (18.10%);3.
Аскар Алмаз уулу — 4 181 добуш (14.06%);4.
Ирина Карамушкина — 3 041 добуш (10.23%);5.
Элнура Алканова — 3 027 добуш (10.18%).Абдурахманхаджи Муртазалиев
© Фото / Таалайгуль Усенбаева
Бул округдан 29 737 жаран өз тандоосун жасады, бул шайлоочулардын 27.91 пайызын түзөт.
Мыйзам боюнча эң көп добуш алган бир талапкер жеңүүчү деп таанылат.
Белгилей кетсек, 2021-жылдын 28-ноябрында Кыргызстанда Жогорку Кеңештин депутаттары шайланган. Добуш берүү жаңы система менен өтүп, 54ү партиялык тизме боюнча, 36сы бир мандаттуу округдан элдин элегинен өтүштү. Ал эми Биринчи май менен Свердлов округдарында эң көп добуш "баарына каршы" графасына берилген. Мындан улам кайра шайлоо дайындалган.