БИШКЕК, 15-окт. — Sputnik. Өкмөт үйүнүн алдындагы митингдин уюштуруучулары элди эртең, 16-октябрда, саат 10:00дө эски аянтта кайра чогулууга чакырышты.
Уюштуруучулар эртең ушул убакытта Жогорку Кеңештин депутаттары президенттин отставкасы боюнча маселени карай турганын айтышкан.
Белгилей кетсек, ага чейин өкмөт башчы Садыр Жапаров митингчилердин алдына чыгып Жогорку Кеңештин төрагасы Канат Исаев президенттин милдетин аткаруудан баш тартканын жар салган.
Өлкө башчынын милдетин аткаруучу президенттик шайлоого катыша албайт
Эскерте кетсек, бүгүн, 15-октябрь күнү, өлкө башчы Сооронбай Жээнбеков отставкага кете турганын билдирип, кайрылуу жасады. Мыйзам боюнча анын милдетин Жогорку Кеңештин төрагасы аткарат. Эгер андай мүмкүнчүлүгү жок болсо, милдетти аркалоо премьер-министрге жүктөлөт.
Азыркы тапта эски аянтта митинг уюштургандар тарап кетишти.