БИШКЕК, 12-окт. — Sputnik. Бишкектеги башаламандык учурунда 13 автобус, Кайгуул милициянын 16 кызматтык машинасы жана жети тез жардам унаасы талкаланган. Бул тууралуу Бишкек мэриясынын маалымат кызматы билдирди.
Ошондой эле "Ала-Тоо" аянтына төшөлгөн 65 чарчы метрлик граниттик плита талкаланып, жок болгону айтылат. Жалпы чыгым алдын ала эсептөөлөр боюнча 17 миллион сомдон ашканы белгиленет.
"Бишкек жылуулук энерго" ишканасына карыз болгондордун тизмеси чыкты
Бүгүн калаа мэри Азиз Суракматов жана комендант Алмаз Орозалиев мэрияда жыйын өткөрүп түшүндүрмө берген.
Комендант коммуналдык жана инженердик кызматтарда иштегендер комендаттык саат учурунда өткөрмө кагазы жок эле жумушун уланта берерин айтты.