БИШКЕК, 7-окт. — Sputnik. Бишкектеги эски аянтта, Жогорку соттун имаратынын алдында милиция кызматкерлери турат. Бул тууралуу Sputnik Кыргызстан агенттигинин кабарчысы билдирди.
Ал эми өкмөт үйүнүн алдына адамдар топтолууда.
Буга чейин Жогорку соттун маалымат кызматы саясий күчтөрдү мыйзамдын негизинде иш кылууга чакырган. Алар соттордун ишмердүүлүгүнө кийлигишүү жумушка терс таасирин тийгизе турганын айтып, мындай иш-аракет кылмыш болуп эсептеле турганын эскерткен.