БИШКЕК, 30-апр. — Sputnik. Бүгүн COVID-19 диагнозу тастыкталган 42 бейтап айыгып үйүнө чыкты. Бул тууралуу Республикалык штаб кабарлады.
Бишкекте сегиз, Ысык-Көлдө бирөө, Нарындын Ат-Башы районунда 11, Ош облусунда жети, Ош шаарында үч, Ноокатта тогуз жана Сузактын ооруканасынан үч адам толук сакайып чыкты.
Билдирүүдө бул адамдардын баары эми 14 күн өз үйүндө жашаган жери боюнча үй-бүлөлүк дарыгерлердин көзөмөлүндө болот.
Айта кетчү жагдай, бул маалымат 1-майдагы статистикага кошулмакчы.
Эскерте кетсек, Кыргызстанда жалпысынан коронавирус аныкталган 746 учур катталды.