БИШКЕК, 16-авг. — Sputnik. Үстүбүздөгү жылдын жаз айында өрттөнгөн Нотр-Дам чиркөөсү урап калуу коркунучунда турат. Бул тууралуу жергиликтүү Le Figaro гезити Франциянын Маданият министрлигине шилтеме берүү менен жазды.
Ведомстводон чиркөөдөгү таштар кулап жатканын билдиришкен. Учурда бардык күчтөр Нотр-Дамды оңдоого эмес, урап калуудан сактоо үчүн жумшалып жатат.
Эске салсак, 2019-жылдын 15-апрелинде Нотр-Дам-де-Пари чиркөөсүндө өрт жергиликтүү убакыт боюнча саат 18:50дө (Бишкек убактысы боюнча 22:50) чыккан. Тилсиз жоонун кесепетинен имараттын чатыры толугу менен урап түшкөн. Франциянын ЖМКларынын жазганына караганда, тарыхый жайда реставрация иштери жүрүп жаткандыктан, чатырдагы курулуш жыгачтары күйүп кеткен.